Prezidenttıŋ tapsyrmalaryn oryndau şeŋberınde Ükımet öŋırlerdıŋ aldaǧy jylytu mausymyna daiyndyǧyn keşendı türde tekserudı jalǧastyruda.

Premer-ministrdıŋ tapsyrmasy boiynşa qūramyna öŋırlık inspektorlar, Premer-ministrdıŋ keŋesşılerı Ermek Marjyqpaev pen Eraly Toǧjanov engen ükımettık jūmys toptary kommunaldyq nysandardyŋ jai-küiımen jäne jöndeu jūmystarynyŋ barysymen tanysty.

Ūlytau oblysynda Ermek Marjyqpaev Jezqazǧan qalasynyŋ JEO men Sätbaev qalasynyŋ jylu stansasyndaǧy jöndeu jūmystarynyŋ barysymen tanysty, sondai-aq qalalyq magistraldyq jylu jelılerınıŋ qūrylysy men rekonstruksiiasyn tekserdı. Bügıngı taŋda öŋırde jylu jelılerın jöndeu jūmystary 66%-ǧa, elektr jelılerın jöndeu jūmystary 74%-ǧa oryndalǧan.

Aqtöbe oblysynda Eraly Toǧjanov Aqtöbe qalasynyŋ JEO, «Batys-2» jäne «Aqtöbe-siti» qazandyqtarynyŋ, sondai-aq «Aqtobe su-energy group» AQ jüktemelerıne daiyndyǧyn tekserdı. İnvestisiialyq baǧdarlamalar aiasynda käsıporyndarda negızgı jabdyqtar men jelılerdıŋ tozuyn azaituǧa mümkındık beretın jūmystar jürgızılude. Bügıngı taŋda aimaqtyŋ qys mezgılıne jalpy daiyndyǧy 85%-dy qūraidy.

Jylytu mausymyna daiyndyq Ükımettıŋ erekşe baqylauynda tūr.