Memleket basşysynyŋ ekonomikanyŋ basym salalaryna ırı investisiialyq jobalardy engızu jönındegı tapsyrmalaryn jüzege asyru barysy turaly Qor basqarma töraǧasy Nūrlan Jaqypovtyŋ baiandamasy tyŋdaldy. Qordyŋ negızgı qarjylyq, öndırıstık körsetkışterıne jäne satyp alu prosesın jetıldıru boiynşa jürgızılıp jatqan jūmystarǧa nazar audaryldy.
«Samūryq-Qazyna» basşysy direktorlar keŋesıne mūnai-gaz, mūnai himiiasy, energetika, kölık-logistika, tau-ken jäne basqa da salalardaǧy investisiialyq 46 jobany jüzege asyru turaly aitty. Biylǧy 4 aida olar boiynşa qarjynyŋ igerıluı 98%-dy qūrady.
Osy jyly jalpy qūny 355 mlrd teŋgege juyq 5 joba paidalanuǧa berıldı.
Aqtau portynda konteinerlık hab ıske qosyldy. Nysan temırjol qūramdaryn qabyldauǧa, jükterdı öŋdeu jäne olardy teŋız kölıgı arqyly ärı qarai jöneltuge qauqarly. Kaspii teŋızı su aimaǧyndaǧy eŋ ırı konteinerlık hab jük tasymaldau kölemın arttyryp, Qazaqstannyŋ halyqaralyq baǧyttardaǧy ūstanymyn nyǧaituǧa mümkındık beredı.
Almatyda jobalyq quaty 115 myŋ JFE (jiyrma futtyq konteinerler) Zhetysu halyqaralyq logistikalyq terminaly paidalanuǧa berıldı. Sian portymen (QHR) bırlesıp ıske asyrylǧan joba Qazaqstannyŋ Qytaimen jäne Europa elderımen kölık bailanysyn nyǧaitady.
Aqtaudaǧy CASPI BITUM zauytyn jaŋǧyrtu jūmystary aiaqtal, quattylyǧyn jylyna 750 myŋ tonnaǧa deiın, 50%-ǧa arttyrdy.
Almatyda 350 tösek-orynǧa arnalǧan infeksiialyq aurulardyŋ joǧary tehnologiialyq ǧylymi ortalyǧy salyndy.
Kendırlıde su tūşytu zauytynyŋ qūrylysy aiaqtaluǧa jaqyn, nysanda ıske qosu-baptau jūmystary jäne jabdyqtardy jūmysqa daiyndau jürgızılude.
Būdan basqa, Jetısu oblysynda ūzyndyǧy 302,4 km «Taldyqorǧan – Üşaral» magistraldy gaz qūbyrynyŋ jelılık bölıgınıŋ qūrylysy kesteden ozyp aiaqtalyp, polietilen jäne «Beineu – Bozoi – Şymkent» magistraldy gaz qūbyrynyŋ ekınşı jelısın öndıruge arnalǧan gaz bölu keşenınıŋ jobalary boiynşa erte qūrylys jūmystary bastaldy.
Premer-ministr Oljas Bektenov "Samūryq-Qazyna" basşylyǧy men jauapty ministrlıkterge investisiialyq jobalardyŋ uaqtyly ıske asyryluyn jäne otandyq tauar öndıruşılerdı qoldau tetıkterın odan ärı jetıldırudı qamtamasyz etudı tapsyrdy.
