"Tūran" gaz jylu stansasynda Premer-ministrge nysan qūrylysynyŋ ekınşı kezegı aiaqtalǧany turaly baiandaldy. Bügınde daiyndyq 98%-dy qūrap otyr. Jürgızılgen jūmystardyŋ nätijesınde GJS jalpy quaty saǧatyna 350-den 600 Gkal-ǧa deiın jetkızıldı – bügınde būl elımızdegı eŋ ırı gaz jylu stansasy. «Tūran» GJS basqa 4 jylu közı: JEO-1, JEO-2, JEO-3, «Oŋtüstık-Şyǧys» gaz jylu stansasymen elordany jylumen qamtamasyz etedı. Nysandardyŋ jalpy qoljetımdı quaty saǧatyna 4 104 Gkal-dy qūraidy, qalanyŋ eŋ joǧary jylu tūtynu qajettılıgı 3 578 Gkal/saǧ, būl aǧymdaǧy jylytu kezeŋınde jylu quatyn şamamen 500 Gkal/saǧ artyǧymen öndırudı qamtamasyz ettı.
Qala äkımınıŋ orynbasary Ersın Ötebaev bügınde «Tūran» GJS jūmysy tolyǧymen avtomattandyrylǧanyn aitty. Mamandardy daiarlau oqu ortalyǧynyŋ bazasynda dualdy bılım beru şeŋberınde jürgızıledı. Stansada nemıs, orys jäne fin tehnologiialary qoldanylady. GJS joǧary ekologiialyq taza ekendıgı atap ötıldı: azot oksidı qaldyqtary qoldanystaǧy normativtermen salystyrǧanda 3-5 ese azaidy. Qazırgı uaqytta nysan Esıl jäne Nūra audandaryn, sondai-aq şamamen 2 mln şarşy metr alaŋdaǧy äleumettık jäne önerkäsıp nysandaryn jylumen qamtamasyz etedı. Gaz tartu jäne qalany jylumen qamtamasyz etu jūmystary jalǧasady. Qalany jylumen qamtamasyz etu üşın 2035 jylǧa deiın 2028 jyldyŋ soŋyna deiıngı merzımde JEO-2-de 7, 8 qazandyqtardy paidalanuǧa berudı, «Telman» GJS jäne «Oŋtüstık-Batys» GJS saludy qosqanda, jalpy quaty saǧatyna 1310 Gkal bolatyn bırqatar jobalardy ıske asyru josparlanuda.
Oljas Bektenov halyqtyŋ belsendı ösuı jäne qalalyq infraqūrylymnyŋ keŋeiuı jaǧdaiynda qazırgı zamanǧy jylumen jabdyqtau közderınıŋ qūrylysy erekşe maŋyzǧa ie ekendıgın atap öttı.
Premer-ministrge elordanyŋ LRT qūrylysy boiynşa negızgı kölık jobalarynyŋ bırın ıske asyru barysy turaly 112-stansa alaŋynda baiandaldy. Ötken jyldyŋ qorytyndysy boiynşa estakada, aspaly köpır jäne barlyq stansalardyŋ temırbeton konstruksiialarynyŋ qūrylysy aiaqtaldy. Jobanyŋ qajettılıkterın qamtamasyz etu üşın Astanada şpaldar öndırısı ıske qosyldy. Olardy daiyndau üşın B-55 markaly beton qoldanylady, armaturanyŋ aldyn-ala kerneu tehnologiiasy qoldanylady, būl tasymaldau kezınde qūrylymdardyŋ jarylyp ketuıne jol bermeidı jäne aiazǧa tözımdılıgın arttyrady. Bügınde 35 myŋnan astam şpal daiyndaldy, jobaǧa barlyǧy 87,6 myŋ bırlık şpal qajet.
Qazırgı uaqytta nysanda relster töselude – ūzyndyǧy 2 şaqyrym bolatyn uchaskede, sondai-aq optikalyq talşyqta jūmys aiaqtaldy. Biyl jūmysqa 2 myŋǧa juyq adam jūmyldyryldy, jaz mezgılınde nysanǧa 5 myŋǧa juyq maman tartylatyn bolady.
«CTS» JŞS basqarma töraǧasy Asylbek Düisebaev qyrküiek aiynda LRT-ny testılık rejimde ıske qosu, iaǧni jolauşysyz poiyzdardy synaqtan ötkızu josparlanyp otyrǧanyn habarlady. Astanadaǧy jeŋıl relstı kölık jobasy ozyq GoA4 standartyna säikes jüzege asyrylyp jatyr, būl 6 ailyq synaq merzımın talap etedı.
Sonymen qatar Premer-ministrge LRT boiyndaǧy aumaqty abattandyru jobasy tanystyryldy. Äuejaidan Rysqūlov köşesıne deiın ırı aǧaştar men köpjyldyq būtalar otyrǧyzylyp, avtomatty suaru jüiesın ornatu josparlanǧan. Qabanbai batyr daŋǧyly boiymen Syǧanaq köşesıne deiıngı aumaq balalar jäne sport alaŋdary, jaiau jürgınşıler joldary qoǧamdyq keŋıstıkterge bölıngen. Ärı qarai jolauşylar aǧyny belsendı 2-temırjol vokzalyna deiın keŋ avtotūraqtar, velosipedke arnalǧan joldar jasalyp, kögaldandyru qarastyrylǧan.
Oljas Bektenov deponyŋ basqaru ortalyǧy aumaǧynda qūrylys-montaj jūmystarynyŋ barysymen tanysty. Joba qytailyq serıktes China Railway Asia-Europe Construction Investment Co., Ltd. kompaniiasymen bırlesıp jüzege asyrylyp jatyr. Tolyq avtomattandyrylǧan depo qūramdardy tūraqqa qoiuǧa jäne jöndeuge, materialdar men qosalqy bölşekterdı saqtauǧa arnalǧan 13 negızgı ǧimarattan qūralǧan. Sondai-aq mūnda dispetcherlık punkt, bailanys toraby jäne LRT paidalanuşy kompaniianyŋ äkımşılık keŋsesı bar barlyq qoǧamdyq kölık türlerın basqaratyn ortalyq salynyp jatyr.
Depo alaŋynda LRT-ǧa arnalǧan jyljymaly qūramdy öndıruşı CRRC Tangshan Co.,Ltd. zauytymen beinebailanys arqyly tıkelei qosylym boldy. Premer-ministrge LRT boiymen jolauşylardy tasymaldaityn lokomotivterdıŋ erekşelıkterı baiandaldy. Barlyǧy 650 orynǧa eseptelgen 19 tört seksiialy qūram jūmys ısteitın bolady.
Tangshan CRRC Group kompaniiasynyŋ basqarma töraǧasy Chjou Sziunian qazırgı uaqytta öndırıste saǧatyna 350 km/saǧ deiın joǧary jyldamdyqty poiyzdar öndırısındegı tehnologiialar men standarttardy qoldana otyryp, alǧaşqy ekı qūramdy qūrastyru jūmystary jürgızılıp jatqanyn atap öttı.
Jasau prosesınde zamanaui materialdar, mysaly, korpus bölşekterıne arnalǧan aliuminii qorytpasy, serpımdı döŋgelekter, jaily jüru üşın köp qabatty terezeler, asa berık organosilikattan jasalǧan bylǧary oryndyqtar siiaqty zamanaui materialdar qoldanylady.
Qūrastyru tıkelei qūrylys alaŋynda jürgızıledı. Är qūram 36 joǧary sapaly monitormen, 11 kameramen jäne poiyzdardy avtomatty basqaru jüielerımen jabdyqtalady.
