Oǧan Abai oblysynyŋ äkımı Berık Uäli, Parlament Senaty men Mäjılısınıŋ deputattary, memleket jäne qoǧam qairatkerlerı, Qazaqstannyŋ Eŋbek Erlerı, ǧalymdar, öner maitalmandary, respublikanyŋ barlyq öŋırınen kelgen oblystyq mäslihat töraǧalary arnaiy qatysty.
Mereke bastauyndaǧy astanany Orynbordan Aqmeşıtke köşıru jäne Kirgiz AKSR-nyŋ Qazaq AKSR dep özgertıluı, qalaǧa Qyzylorda atauynyŋ berıluı, Aqmeşıtke qarai baǧyt alǧan «Qyzyl paravoz», Alaş arystarynyŋ beinelerı, tarih jelısınen sabaqtalǧan körınıster sol däuırdı köpşılıktıŋ köz aldyna äkelgendei äser qaldyrdy. Odan keiın ekrandaǧy körınıster jaŋarǧan, jaŋǧyrǧan Qyzylordanyŋ bügıngı jasampaz kelbetıne auysty.
Aimaq basşysy Nūrlybek Nälıbaev jūrtşylyqty mereilı merekemen qūttyqtady.
«Bır ǧasyr būryn Qazaq Respublikasynyŋ alǧaşqy astanasy bolǧan Qyzylordada memlekettıgımızdıŋ negızı qalandy. Sol kezeŋde qalamyz elımızdıŋ saiasi, mädeni-ruhani ortalyǧyna ainaldy. Ūlttyq öner men ǧylymnyŋ, bılım men baspasözdıŋ altyn qazyǧy osynda qaǧyldy. Şejırelı şaharymyzdyŋ eldık asyl mūraty, jasampaz joly qalyptasty. Ūltymyzǧa «qazaq» atauyn qaitaryp, azat el boludy aŋsaǧan asqaq arman oryndaldy. Tılegı men maqsaty ortaq Alaş arystary ūlt müddesı üşın täuelsız el boluǧa bırıktı. «Otan – eldıŋ anasy, El – erdıŋ anasy! Syr – Alaştyŋ anasy!».
Jüz jylda bırneşe kezeŋdı basynan ötkergen Qyzylorda bügıngı künı Prezidentımızdıŋ erekşe qoldauymen säulettı de äsem qalaǧa ainalyp keledı. Syr öŋırı jasaryp-jaŋaryp, ösıp-örkendeude. Soŋǧy üş jylda aimaq ekonomikasyna 1 trillion 600 mlrd. teŋgege juyq investisiia tartyldy. Oblys biudjetı 851 mlrd. 300 mln. teŋgege jetıp, 2022 jyldan berı 233 paiyzǧa östı. Būl qarajat aimaǧymyzdyŋ eŋ özektı degen mäselelerın şeşuge, tūrǧyndarymyzdyŋ tūrmys sapasyn jaqsartuǧa baǧyttaldy. Eŋ ǧajap qala – ol adamnyŋ baqytty bolǧan jerı. Barşamyzdy baqyt qūşaǧyna alǧan Qyzylorda – bızdıŋ maqtanyşymyz.
Mereilı merekede denderıŋızge saulyq, otbasylaryŋyzǧa baq-bereke tıleimın! Egemen elımızdıŋ eŋsesı biık, Täuelsızdıgı tūǧyrly bolǧai! Mereke qūtty bolsyn, qadırlı jerlester!», – dedı Nūrlybek Maşbekūly.
Gala konsertte estrada änşılerı J.Ysqaqova, G.Orazymbetova, M.Säduaqasova, J.Tölebai «Bızdıŋ Qyzylorda» änın şyrqady. Sondai-aq, K.Älımjan, T.Törälı, O.Nūraliev, taǧy basqa önerpazdar körermenge köterıŋkı köŋıl-küi syilady.
Sahna sänı, bi qoiylymdary men beinerolikter, arnaiy daiyndalǧan taqyryptyq dron şou Qala künınıŋ mazmūnyn baiyta tüstı. Saltanatty şaranyŋ şaryqtau şegınde mereke aspanyn myŋ boiauly otşaşular jarqyratty.
@Qyzylorda oblysy äkımınıŋ baspasöz qyzmetı
