Prezident merekelık ıs-şaraǧa jinalǧan köpşılıktı Nauryz meiramymen qūttyqtap, jyly lebızın jetkızdı.
- Ūlystyŋ ūly künı – ūltymyzdyŋ ūlyq meiramy. Būl – bızdıŋ ata dästürımız. Şuaqty köktem merekesınde bükıl dünie qaita jaŋǧyrady. Kün men tün teŋeledı. Qazaq elı äz-Nauryzdy köne zamannan berı toilap keledı. Nauryz – eŋ aldymen, igılıktı ısterdıŋ merekesı. Osy künderı är üide aq dastarhan jaiylady. El-jūrt bır-bırımen qauyşyp, aq tılegın aitady. Mūqtaj jandarǧa qaiyrymdylyq jasap, qamqorlyq körsetedı. Ūlystyŋ ūly künı biyl da qasiettı Oraza aiymen tūspa-tūs kelıp otyr. Elımız üşın mūnyŋ män-maŋyzy zor. Sebebı bızdıŋ dınımız ben dästürımız – egız. Qos qazynamyz halqymyzdyŋ bıregei bolmysyn aişyqtai tüsedı, - dedı Qasym-Jomart Toqaev.
Prezident Nauryz merekesı byltyrdan bastap jaŋa tūjyrymdamaǧa säikes on kün boiy atalyp ötetınıne nazar audaryp, Nauryznamanyŋ är künı taǧylymǧa toly ekenın aitty.
- Nauryz – köptegen şyǧys halyqtaryna ortaq mereke bolǧanymen, elımızde Ūlystyŋ ūly künın toilaudyŋ erekşe dästürı bar. Būl meiramnyŋ töl mädenietımızdegı orny airyqşa. Şeteldık meimandar da mereke qarsaŋynda Qazaqstanǧa arnaiy kelıp, bızdıŋ salt-dästürımızben tanysady, ädet-ǧūrpymyzdy tanyp-bıledı. Bız osy ruhani qazynamyzdy jan-jaqty därıpteuımız kerek. Nauryznama boiynşa bügın – Yntymaq künı. Elımız üşın auyzbırşılık pen tatulyqtyŋ orny qaşanda erekşe. Bükıl halqymyz ūltyna, dınıne qaramastan bır el bolyp, Nauryzdy bırge atap ötedı. Bız osyndai bereke-bırlıgımızdıŋ arqasynda bolaşaqqa zor senımmen qarap, tek alǧa qarai qadam basyp kelemız. Jan-jaqty reforma jasap, memlekettıŋ saiasi jüiesın jaŋǧyrtyp jatyrmyz. Auqymdy ekonomikalyq jobalardy qolǧa aldyq. Baisaldy syrtqy saiasatymyzdyŋ arqasynda Qazaqstan bükıl älemge bedeldı memleket retınde tanymal boldy, - dedı Memleket basşysy.
Prezident bükıl älemnıŋ almaǧaiyp jaǧdaida ömır sürıp jatqan şaǧynda qoǧamnyŋ tūraqtylyǧyn nyǧaitu saiasatymyzdyŋ basty baǧyty bolyp qala beretının aitty.
- Biyl Konstitusiiamyzǧa jäne Qazaqstan halqy Assambleiasyna 30 jyl tolady. Sondai-aq Ūly Jeŋıstıŋ 80 jyldyǧyn atap ötemız. Köp ūzamai qasterlı Täuelsızdıgımızdıŋ 40 jyldyq mereilı belesıne jetemız. Qazaqstan osy uaqytta ozyq, örkeniettı, quatty memleket boluy kerek. Men Ūlttyq qūryltaidyŋ Burabaidaǧy jiynynda osy mäselege arnaiy toqtaldym. Bız elımızdı jaŋa jahandyq jaǧdaiǧa beiımdeuımız qajet. Memleketımızdıŋ baǧdary da, basymdyǧy da – aiqyn. Sifrlandyru ısı men jasandy intellekt, ırı infraqūrylymdyq jobalar, kölık tasymaly jäne energetika, agroönerkäsıp keşenı, sondai-aq adam kapitaly – osynyŋ bärı elımızdıŋ negızgı damu baǧyttary. Qazaqstan osy salalar boiynşa älemdık bäsekege qabılettı el bolmaq. Būǧan bızdıŋ mümkındıgımız tolyq jetedı. Bız «Zaŋ men tärtıp» qaǧidasy berık ornyqqan, ädılettı, qauıpsız, taza, mädeniettı jäne damyǧan Qazaqstandy mındettı türde bırge qūramyz! Qazaqstannan basqa elımız joq. Sondyqtan bärımız bır qoǧam bolyp memleketımızdı nyǧaitaiyq, damytaiyq, körkeiteiık! - dedı Qasym-Jomart Toqaev.
Būdan keiın Memleket basşysy jūrtşylyqpen bırge merekelık konserttı tamaşalady.
Sonymen qatar Qasym-Jomart Toqaev etnoauyldaǧy qolöner järmeŋkesın aralap kördı. Biyl körmege otandyq qolönerşılermen qatar Qytai, Resei, Äzerbaijan, Qyrǧyzstan, Özbekstan, Türıkmenstan, Türkiia, İran, Täjıkstan elderınen şeberler şaqyrylǧan.
Būdan bölek, Prezidentke ūlttyq oiyndar, qazaqstandyq dizainerler men tanymal brendterdıŋ ūlttyq kiım ülgılerı tanystyryldy.
