Jiynda naşaqorlyq kürdelı äleumettık jäne qūqyqtyq qūbylys retınde qarastyrylyp, narkotizmge qarsy ıs-qimyl mäselelerı talqylandy.
Keŋeste Işkı ıster ministrı Erjan Sädenovtıŋ, Ūlttyq qauıpsızdık komitetınıŋ töraǧasy Ermek Saǧymbaevtyŋ, Densaulyq saqtau ministrı Aqmaral Älnazarovanyŋ jäne Qarjylyq monitoring agenttıgınıŋ töraǧasy Janat Elimanovtyŋ baiandamalary tyŋdaldy.
Memleket basşysynyŋ aituynşa, būl äleumettık keseldıŋ beleŋ aluyna qatysty ahual elımızde de, halyqaralyq auqymda da alaŋdatarlyq jaǧdaiǧa jettı.
– Narkotizm – zamannyŋ dertı, qoǧam üşın asa qauıptı. Ol jastardyŋ bolaşaǧyna balta şabady. Ūlt saulyǧyna qater töndıredı. Naşaqorlyq pen esırtkı biznesındegı älemdık ürdıs alaŋdatarlyq sipatqa ie boldy. Köptegen eldıŋ ükımetterı atalǧan problemany fizikalyq jäne psihikalyq täueldılık qana emes, auqymdy qoǧamdyq, ekonomikalyq jäne qūqyqtyq qūbylys retınde qarastyra bastady. Narkotizm terminı mūndai täsıldıŋ män-maǧynasyn aşady, – dedı Qasym-Jomart Toqaev.
Sarapşylar men ǧalymdar narkotizm ūǧymynyŋ naşaqorlyqtan äldeqaida keŋ ekenın, äleumettık, ekonomikalyq jäne qūqyqtyq problemalarmen, sonyŋ ışınde ūlttyq qauıpsızdık mäselesımen ūştasyp jatqanyn aitady.
Prezident esırtkıge täueldıler emdeu-sauyqtyru şaralarymen jetkılıktı deŋgeide qamtylmai otyrǧanyna nazar audaryp, mäselenı şeşu qajet ekenın mälımdedı.
– Esırtkıge täueldı jandardyŋ köpşılıgı men olardyŋ jaqyndary jariialylyqtan jäne jūrtşylyqtyŋ talqylauynan qauıptenıp, problemasyn jasyrady, – dedı Memleket basşysy.
Būl rette memlekettık saiasattyŋ naşaqorlarǧa keŋşılık tanytyp, al esırtkı saudasyna kelgende qataŋ jäne mülde tözbeuşılık ūstanymda boluǧa tiıs ekenı aityldy.
Qasym-Jomart Toqaev atalǧan ındetke qatysty statistikalyq mälımetterdı jinau men öŋdeu baǧytyndaǧy aqparattyq-saraptamalyq jūmysty jetıldıru, sondai-aq himiialyq zattardyŋ taraluyn qadaǧalau mäselelerın taǧy bır maŋyzdy mındet dep sanaidy.
Prezident naşaqorlyqtyŋ aldyn alu şaralaryn küşeitudı, äsırese, bılım beru men aqparat salasynda keŋınen jūmys jürgızudı tapsyrdy.
Memleket basşysynyŋ pıkırınşe, jastar arasynda esırtkınıŋ nasihattaluyna jol beruge bolmaidy. Būl rette ol internette jäne media industriiada tyiym salynǧan zattar men ışımdık ışudı därıpteitın jaǧymsyz ürdıs beleŋ alǧanyna toqtaldy.
Jiynda esırtkımen bailanysty qūqyq būzuşylyqty anyqtau, jolyn kesu men jazalaudyŋ tiımdılıgın arttyruǧa qatysty keşendı mäselelerge erekşe män berıldı.
– Kez kelgen esırtkı türınıŋ öndırısı men satylymyna qataŋ tyiym salynyp, memlekettıŋ jıtı baqylauynda boluy kerek, – dedı Prezident.
Qasym-Jomart Toqaev transūlttyq ūiymdasqan qylmysqa qarsy ıs-qimyldy, sondai-aq esırtkı satatyn oryndar men zerthanalardyŋ ielerın äşkereleu jūmystaryn küşeitu qajettıgın aitty.
Sonymen qatar Memleket basşysy kümändı qarjy operasiialaryn baqylauǧa aludyŋ maŋyzyna toqtaldy. Būl tüitkıl qūqyq qorǧau organdarynyŋ nazarynan tys qalmauǧa tiıs.
Prezident narkotizmge qarsy küreske qoǧam bolyp jūmyludyŋ maŋyzdy ekenın atap öttı. Sondai-aq Ükımetke, öŋır äkımderıne jäne jauapty memlekettık organdarǧa naşaqorlyqtan saqtandyru jäne esırtkı biznesıne qarsy küres şaralaryn küşeitu jönınde bırqatar naqty tapsyrma berdı.
Jiyn qorytyndysy boiynşa Memleket basşysy Naşaqorlyqqa jäne esırtkı qylmysyna qarsy ıs-qimyl mäselelerı jönındegı vedomstvoaralyq ştabty Işkı ıster ministrlıgınıŋ qarauynan alyp, Qazaqstan Respublikasy Ükımetınıŋ deŋgeiıne köterudı tapsyrdy. Būl naşaqorlyqpen jäne esırtkı saudasymen kürestı jandandyruǧa, sondai-aq tiıstı memlekettık organdar arasyndaǧy jūmysty anaǧūrlym tiımdı üilestıruge mümkındık beredı.
Aqorda.kz
