Prezidentke eldegı kriminogendık ahual turaly jäne qoǧamdyq qauıpsızdık pen qūqyqtyq tärtıptı qamtamasyz etu jönınde būǧan deiın bergen tapsyrmalarynyŋ oryndalu barysy baiandaldy. Būl turaly Aqorda resmi saitynda habarlandy.

     Erjan Sadenov biylǧy ekı aidyŋ qorytyndysy boiynşa Qazaqstanda qylmys deŋgeiı 8 paiyzǧa tömendegenın jetkızdı. Būl byltyrǧy säikes kezeŋmen salystyrǧanda 1,3 myŋǧa az. Qūqyq būzuşylyqtyŋ negızgı sanattaryndaǧy körsetkış tömendep, qylmystardy aşu deŋgeiınıŋ artqany baiqalady.

     İnternet-alaiaqtyqqa qarsy jüielı küres jalǧasuda. Aldyn alu şaralary jäne şeteldık qūqyq qorǧau organdarymen özara ıs-qimyldyŋ arqasynda kiberqylmys kölemı 4 paiyzǧa tömendedı.

     Ūiymdasqan qylmysqa qarsy ıs-qimyl aiasynda 71 adam qylmystyq jauapkerşılıkke tartyldy, 11 toptyŋ qyzmetı toqtatyldy.

     Esırtkı qylmysyna qarsy küres belsendı türde jürgızılıp keledı: bes esırtkı zerthanasy joiyldy. 881,5 kelı ärtürlı esırtkı zattarynyŋ, sonyŋ ışınde 104 kelıden astam sintetikalyq esırtkınıŋ zaŋsyz ainalymǧa enuıne jol berılmedı.

     Qasym-Jomart Toqaevqa köşelerdegı qūqyqtyq tärtıp pen jol qauıpsızdıgın qamtamasyz etu üşın sifrlyq şeşımderdı keŋınen qoldanu, köşı-qon baqylauyn küşeitu jäne jazadan būltartpau jönındegı şaralar turaly mälımet berıldı.

     Azamattardy qorǧauǧa baǧyttalǧan zaŋnamalyq bastamalarǧa erekşe nazar audaryldy. 2025 jyly "Qūqyq būzuşylyqtyŋ aldyn alu turaly" Zaŋ qabyldandy. Dropperlık, stalking jäne nekege mäjbürleu üşın qylmystyq jauapkerşılık engızıldı.

     Kezdesu soŋynda Memleket basşysy eldegı qoǧamdyq qauıpsızdık pen qūqyqtyq tärtıptı odan ärı nyǧaituǧa baǧyttalǧan bırqatar naqty tapsyrma berdı.