Astanada barlyq basty ekonomikalyq körsetkışter boiynşa oŋ qarqyn baiqalady. Biylǧy tört aida negızgı kapitalǧa salynǧan investisiia kölemı 588 milliard teŋgenı qūrady. Būl byltyrǧy osy kezeŋmen salystyrǧanda 9,1 paiyz joǧary. Olardyŋ arasynda öŋdeu önerkäsıbı, bılım, medisina, kölık, sauda, logistika salalaryna qatysty jobalar bar.
Bügınde Astana LRT jeŋıl relstı kölık jelısı tolyq jūmys ıstep tūr. Elordanyŋ qoǧamdyq kölık jüiesın jandandyru maqsatynda jobanyŋ ekınşı kezeŋı pysyqtaluda.
Qala äkımı Jeŋıs Qasymbek äleumettık nysandardyŋ qūrylysy, tūrǧyn üi alaptaryn körkeitu jönınde aitty. Soŋǧy jyldary Astanada 44 mektep salynǧan. Al jaŋa oqu jylynda 12 bılım oşaǧy aşylady. Sonymen qatar 2 oquşylar saraiyn jäne 6 balabaqşany el igılıgıne beru josparlanyp otyr.
2028 jylǧa deiın 2 perinataldy ortalyq, köpbeiındı auruhana jäne diagnostikalyq keşennıŋ qūrylysy aiaqtalmaq.
Qasym-Jomart Toqaevqa qalanyŋ injenerlık-kommunaldyq infraqūrylymy, Smart City jobasynyŋ ıske asyryluy turaly baiandaldy.
2026 jyly 173 aula men qoǧamdyq keŋıstıktı abattandyru, 1,1 million tüp jasyl jelek egu közdelgen.
Kezdesu soŋynda Memleket basşysy Astana äkımı Jeŋıs Qasymbektıŋ qyzmetın oŋ baǧalap, elordany odan ärı damytuǧa qatysty bırqatar tapsyrma berdı.
Akorda.kz resmi saitynan alyndy
