Oiynnyŋ basty maqsaty – oquşylarǧa sybailas jemqorlyqtyŋ ziianyn tüsındırıp, oǧan qarsy tūru mädenietın qalyptastyru.  Oiyn kvest formatynda jasalǧan. Mūnda oiynşy özıne jasyryn agent nemese jurnalist rölın taŋdai alady. Sondai-aq tergeudı kımge qatysty jürgızetının de özı şeşedı: sot, prokuror nemese memlekettık qyzmetşı. Oiyn barysynda ol ärtürlı epizodtardan ötıp, jemqorlyqqa qarsy äreketterdıŋ qyr-syryn meŋgeredı jäne oiyn soŋynda jemqorlyqty äşkereleidı.

Qazırgı uaqytta oiyn mektepte qūqyq negızderı sabaǧynda täjıribe retınde qoldanylyp jür. Avtor bolaşaqta būl jobany ūialy telefondarǧa arnalǧan tegın qosymşa retınde üş tılde ūsynudy josparlap otyr. Osy maqsatta Nūrali ötken jyly I respublikalyq sybailas jemqorlyqqa qarsy jobalar baiqauynda jeŋıp alǧan 1 000 000 teŋge syiaqysyn oiyndy damytuǧa jūmsaǧan. Sonymen bırge oiynnyŋ är kezeŋıne Abaidyŋ qara sözderın qosu arqyly onyŋ ruhani mazmūnyn baiytudy josparlap otyr. Būl oiynşylarǧa şeşım qabyldauda tereŋ oi saluǧa baǧyttalǧan. «Oiyn Qazaqstandaǧy naqty oqiǧalarǧa negızındelgen körkem roman formatynda jasalǧan. Är epizodta Qylmystyq kodekske tüsındırme berılıp, oquşylardyŋ qūqyqtyq sauaty arttyrylady. Al oiyn soŋynda köp ūpai jinaǧan oiynşy jeŋımpaz atanady», – deidı Nūrali.

«Satylmaityn Alpamys» – oquşylardyŋ qūqyqtyq sauattylyǧyn arttyryp, jemqorlyqqa qarsy mınez-qūlyqty qalyptastyruǧa arnalǧan erekşe jobaǧa ainaldy.

Oqu-aǧartu ministrlıgı