Aviabaza komandirı Dmitrii Baster qonaqtarǧa qūqyqtyq tärtıp äskerlerınıŋ aviasiialyq qyzmetın damytudyŋ jai-küiı men perspektivalary turaly egjei-tegjeilı aityp berdı.
- Aviasiialyq bazany odan ärı damytu memlekettıŋ qauıpsızdıgın qamtamasyz etude maŋyzdy röl atqarady. Bız özara ıs-qimyl jasaityn organdarǧa jan-jaqty tehnikalyq qoldau körsetemız, - dep atap öttı Işkı ıster ministrınıŋ orynbasary – Ūlttyq ūlannyŋ Bas qolbasşysy Aŋsaǧan Baltabekov
Aviabaza komandirı Dmitrii Baster qonaqtarǧa qūqyqtyq tärtıp äskerlerınıŋ aviasiialyq qyzmetın damytudyŋ jai-küiı men perspektivalary turaly egjei-tegjeilı aityp berdı.
Deputattarǧa jaraqat alǧan 30 adamdy bır mezette sanitarlyq jaǧdaida tasymaldauǧa arnalǧan Y8F200WA ūşaǧy körsetıldı.
Būdan bölek, mäjılısmender nazaryna Mi-171E tıkūşaǧy ūsynyldy.
Tıkūşaq sanitarlyq maqsatta da paidalanylady, al onyŋ ekipajy tüngı uaqytta jäne kürdelı aua raiy jaǧdailarynda ūşuǧa äzır.
Halyq qalaulylary üşın äskeri bölımnıŋ daŋq mūrajaiynda ekskursiia ötkızıldı. Sondai-aq olar tamaqtandyrudy ūiymdastyru şarttarymen, injenerlık-tehnikalyq jäne ūşqyştar qūramynyŋ üles normalarymen tanysty.
Kezdesu barysynda qyzmettık-jauyngerlık mındetterdı oryndauǧa eleulı äser etetın bırqatar mäsele qozǧaldy.
Deputat Aigül Qūspan Ūlttyq ūlannyŋ äskeri qyzmetşılerı eldegı qūqyqtyq tärtıp pen qoǧamdyq qauıpsızdıktı saqtauǧa kündelıktı üles qosatynyn atap öttı.
Sondai-aq, ol aitylǧan mäseleler tömengı palatanyŋ Halyqaralyq ıster, qorǧanys jäne qauıpsızdık komitetınıŋ nazarynda bolatynyn jäne olardy şeşu üşın bar küş-jıgerın jūmsaitynyn tılge tiek ettı.
Aita keteiık, Ūlttyq ūlannyŋ ūşqyştary halyqaralyq oqu-jattyǧular men ūiymdasqan qylmysqa jäne esırtkı biznesıne qarsy küres jönındegı arnaiy operasiialardy jürgızude, Siriia, Türkiia jäne Auǧanstanǧa gumanitarlyq kömek jetkızu jönındegı halyqaralyq missiialardy jüzege asyru kezınde özderın jaqsy qyrynan körsete bıldı.
Anyqtama üşın: qūqyqtyq tärtıp äskerlerınıŋ aviasiiasy QR Işkı ıster ministrlıgınıŋ küştık qūramdas bölıgı bolyp sanalady. Ūlttyq ūlan aviabazasy QR Qaruly Küşterınıŋ aviasiialyq qūramalary men bölımderın jäne QR ŪQK Şekara qyzmetın bırıktıretın Qazaqstannyŋ memlekettık aviasiiasynyŋ qūramyna kıredı.
Işkı ıster ministrlıgınıŋ baspasöz qyzmetı
