Premer-ministr öz sözınde kölık-logistika sektorynyŋ el ekonomikasyn damytudaǧy basty rölın atap öttı.
«Memleket basşysy Qasym-Jomart Kemelūly Toqaev bızdıŋ aldymyzǧa kölık sektorynyŋ äleuetın arttyryp, Qazaqstandy senımdı tranzittık hab retınde damytu mındetın qoidy. Būl oraida, jolauşylar men jük tasymalyn qauıpsız ärı üzdıksız qamtamasyz etıp otyrǧan kölık qyzmetkerlerınıŋ qajyrly eŋbegı qaşanda maŋyzdy. Otandyq kölık salasy biylǧy 6 aidyŋ qorytyndysy boiynşa 22,7% deŋgeiınde qarqyndy ösım körsettı. Mūnyŋ barlyǧynda özderıŋız siiaqty sala mamandary men ardagerlerınıŋ maŋdai terı, adal eŋbegı jatyr», — dep atap öttı Oljas Bektenov.
Prezidenttıŋ tapsyrmasy boiynşa jüzege asyp jatqan infraqūrylymdy jaŋǧyrtu, sifrlandyru jäne Qazaqstannyŋ tranzittık äleuetın arttyru boiynşa auqymdy şaralar atap ötıldı. Qazırgı uaqytta 13 myŋ şaqyrym avtojol jöndelude, 1,3 myŋ şaqyrymnan astam jaŋa temırjol jelılerı, zamanaui logistikalyq habtar men äuejailar salynuda. 2029 jylǧa qarai el aumaǧy arqyly ötetın tranzittık jükterdıŋ kölemın 100 mln tonnaǧa deiın arttyru josparlanuda.
Transkaspii halyqaralyq kölık dälızın qosa alǧanda, multimodaldy marşruttardy damytuǧa erekşe nazar audaryluda – būl jobany jüzege asyru üşın Aqtau jäne Qūryq porttary jaŋǧyrtyluda. Sondai-aq Prezidenttıŋ tapsyrmasy boiynşa biyl nauryz aiynda Ūlttyq qūryltai otyrysynda Astana – Arqalyq – Torǧai – Yrǧyz baǧyty boiynşa THKB-ǧa şyǧatyn «Ortalyq – Batys» magistralınıŋ qūrylysy bastaldy, būl eldıŋ ortalyq jäne batys öŋırlerı arasyndaǧy marşrutty 560 şaqyrymǧa qysqartuǧa mümkındık beredı.
Sonymen qatar aviasiia salasynyŋ damuy da atap ötıldı. Elımızdıŋ tügeldei derlık äuejaiynda «äue erkındıgınıŋ» besınşı därejesı bar. Turizmdı damytu maqsatynda Katonqaraǧai, Zaisan jäne Kendırlı kurorttyq aimaqtarynda jaŋa äuejailar salynuda. Almaty, Qyzylorda jäne Şymkent qalalarynda jaŋa jolauşylar terminaldary aşyldy. Arqalyq äuejaiyn qalpyna keltıru jūmystary jürgızılude.
Premer-ministr Qazaqstannyŋ kölık salasy tūtastai alǧanda jaŋa sifrlyq şeşımderdı, onyŋ ışınde basqarudyŋ avtomattandyrylǧan jüielerın, sifrlyq dispetcherlendırudı engızu nätijesınde barǧan saiyn tehnologiialyq jäne klientke baǧdarlanǧan sipatqa ie bop kele jatqanan atap öttı.
Oljas Bektenov Prezident atynan eŋbegımen közge tüsken qyzmetkerlerge kölık salasyn damytuǧa qosqan ülesı üşın memlekettık nagradalar men qūrmettı ataqtar tabys ettı.
«Biyl Jūmysşy mamandyqtary jyly aiasynda memlekettık marapattar jüiesıne alǧaş ret “Qazaqstannyŋ kölık salasynyŋ eŋbek sıŋırgen qairatkerı” degen qūrmettı ataǧy engızıldı. Mūny Memleket basşysynyŋ jäne bükıl Qazaq elınıŋ özderıŋız siiaqty naǧyz eŋbek adamdaryna degen şynaiy qūrmetı dep qabyldaŋyzdar. Bügın elımızdıŋ basqa da öŋırlerınde kölık salasynyŋ öndırıs ozattary men eŋbek ardagerlerın ūlyqtau räsımı ötıp jatyr. Respublika boiynşa 200-ge juyq adamǧa memlekettık nagradalar men qūrmettı ataqtar tabystalady. Būl – el igılıgı jolynda eselı eŋbek etıp jatqan otandyq kölık salasy qyzmetkerlerın qoldaudyŋ aiqyn körınısı», — dep atap öttı Oljas Bektenov.
Marapattalǧandar atynan Qanat Şaimin men Änuarbek Şūlǧauov söz söiledı. Kölık salasynyŋ qyzmetkerlerı Prezidentke rizaşylyqtaryn bıldırıp, olardyŋ eŋbegıne berılgen joǧary baǧa Qazaqstan igılıgı üşın ärı qarai da adal jūmys ısteuge yntalandyratynyn atap öttı.
«Memleket basşysyna bızdıŋ eŋbegımızdı moiyndaǧany jäne qūrmet körsetkenı üşın şyn jürekten alǧys aitamyz. El igılıgı üşın qajymai eŋbek etu – bızdıŋ azamattyq boryşymyz.
Būl marapat – bız üşın ülken quanyş. Odan ärı de adal qyzmet etuge jaŋaşa jıger men şabyt beredı. Eŋbegımız halyq igılıgıne jarasyn», — dedı «Qazaqstan temır joly» ŪK» AQ «Burabai kurorty rels dänekerleu käsıporny» filialynyŋ direktory Änuarbek Şūlǧauov.
