Atalǧan joba aiasynda Astana qalasynda 2024-2025 jyldary ekı auysymda oqytuǧa arnalǧan jalpy syiymdylyǧy 84 800 oquşy ornyn qūraityn 23 mekteptıŋ qūrylysy aiaqtaldy, dep habarlaidy elorda äkımdıgınıŋ resmi saity.
2024 jyly ekı auysymda 56 800 oquşyǧa arnalǧan 16 zamanaui jaily mekteptıŋ qūrylysy tolyq aiaqtalyp, paidalanuǧa berıldı. Būl öz kezegınde qaladaǧy 6 mektepte üş auysymdy oqytu mäselesın tolyq şeşuge, sondai-aq 9 bılım beru ūiymyndaǧy oquşy tyǧyzdyǧyn aitarlyqtai azaituǧa mümkındık berdı.
Qazırgı taŋda atalǧan mektepterdıŋ barlyǧynda oqu üderısı ştattyq rejimde jürgızılude.
Biyl ekı auysymda 28 000 oquşy ornyn qamtityn taǧy 7 mektep paidalanuǧa berıldı.
Osynyŋ arqasynda 2 mekteptegı üş auysymdy oqytu tolyq joiylyp, 7 mekteptegı oquşy tyǧyzdyǧy tömendeitın bolady.
Salynǧan jäne salynyp jatqan mektepterdıŋ basym bölıgı halyq sany qarqyndy ösıp kele jatqan Esıl jäne Nūra audandarynda ornalasqan. Būl şeşım jaŋa tūrǧyn üi keşenderınde tūratyn balalardy bılım beru ūiymdarymen uaqytyly qamtuǧa mümkındık beredı.
«Keleşek mektep» ūlttyq jobasy elordadaǧy bılım beru infraqūrylymyn jüielı türde jaŋǧyrtyp, oquşylarǧa qolaily, qauıpsız ärı sapaly bılım alu ortasyn qalyptastyruǧa baǧyttalǧan. Joba nätijesınde Astana qalasynda üş auysymdy oqytu mäselesı kezeŋ-kezeŋımen şeşılıp, zamanaui mektepter sany arta tüsude.
