Atqarylyp jatqan şarualarǧa oŋ baǧasyn berıp, öŋır jūrtşylyǧymen kezdeskenı aqparat qūraldarynda jariialandy. Aitaiyn degenımız būl emes. Osy sapar barysynda naqtylanbaǧan (jalǧan) aqparat jariialanyp, jergılıktı käsıpkerdı aŋ-taŋ etkenı edı. Sonymen, taratyp aitar bolsaq, Prezident aralaǧan käsıporyndardyŋ bırı - bılım beru mekemelerıne arnalǧan jihaz şyǧaratyn Aqniet Holding mekemesı boldy. Bır qyzyǧy, osy mekememen KAZMEDPRIBOR kompaniiasy bırlesıp, medisina ūiymdaryna arnalǧan materialdar şyǧarypty - mys. Jariialanǧan aqparattyŋ tolyq mätını mynadai: « ... Soŋǧy üş jylda kompaniia 50-ge juyq mekteptı jabdyqtaǧan. Mūnda "Jaily mektep" standartyna sai jihazdar, KAZMEDPRIBOR kompaniiasymen bırlesıp, medisina mekemelerıne arnalǧan jabdyqtar jasalady.» - delıngen aqparattyq habarlamada. Al, būl jalǧan derekter Memleket basşysynyŋ resmi saity «Aqorda.kz» ke jäne jergılıktı äkımdıktıŋ aqparat qūraldary men media resurstaryna sol sätte tarap ketken. Al, KAZMEDPRIBOR kompaniiasynyŋ basşylyǧy «Aqniet Holding» mekemesımen medisina ūiymdaryna arnalǧan jabdyqtar jasamaǧanyn aityp, redaksiiaǧa şyqqan. «... Bız özımız ony ülken saittyŋ betınen oqyǧan kezde taŋ qaldyq. Bızben bırlesıp jūmys ısteimız dep soǧypty. Bızdıŋ kompaniianyŋ atyna, bedelıne nūqsan keltırdı söitıp. Qoia salatyndai närse emes qoi endı? Alda sotqa berıp, ötemaqy talap etuımız de mümkın. Qazır osy jaǧyn zaŋgerlermen aqyldasyp jatyrmyz.» - delıngen mekeme basşysy Äsel Tūrǧanbekovanyŋ aqparattyq habarlamasynda. Osylaişa, kompaniia direktory būl ıstı soŋyna deiın jetkızıp, jalǧan aqparat taratqan mekememen qūqyqtyq negızde esep aiyrysatynyn aitty. Al, zaŋger, otstavkadaǧy aǧa ädılet keŋesşısı Dastan Däuletiiarov, «... Biznes subektılerıne körıneu jalǧan aqparat taratqany üşın QR Qylmystyq Kodeksinıŋ 274-baby normalary qūzyrettı organdarmen jäne sot bilıgımen qoldanyluy mümkın» degendı aitady. Osy normaǧa sai ūiymdardyŋ qūqyqtary men zaŋdy müddelerıne eleulı ziian keltıru qaupın töndıretın körıneu jalǧan aqparat taratu bır myŋ ailyq eseptık körsetkışten bastap bır jylǧa deiıngı merzımge bas bostandyǧyn şekteuge ne sol merzımge bas bostandyǧynan aiyruǧa jazalanuy mümkın. Aitpaqşy, KAZMEDPRIBOR kompaniiasynyŋ basşylyǧy joǧarydaǧy aqparatty taratqan BAQ - na materialdy terısteuı (oproverjenie) kerek degen talap qoiyp otyr.
