Forumǧa naqty mämıleler men ūzaq merzımdı ärıptestıkke baǧyttalǧan käsıpkerlerdıŋ belsendılıgı erekşe serpın berdı. Is-şara aiasynda bırneşe kommersiialyq kelısımderge qol qoiyldy. Sonyŋ ışınde qazaqstandyq Optima Development kompaniiasy men päkıstandyq Friesland Campina Engro arasynda jalpy somasy 10 mln AQŞ dollaryn qūraityn kelısımşart jasaldy. Qūjat Qazaqstanǧa ırımşık, iogurt jäne konditerlık önımder öndırısıne qoldanylatyn susyzdandyrylǧan süt maiyn jetkızudı közdeidı.

"Būl Päkıstanmen osyndai auqymdaǧy alǧaşqy kelısımderdıŋ bırı. Būl bır rettık tauar jetkızu emes, ūzaq merzımdı ärı strategiialyq serıktestıktıŋ bastauy dep esepteimız. 240 million halqy bar Päkıstan – Qazaqstan üşın zor eksporttyq äleuetke ie el", - dedı Optima Development kompaniiasynyŋ bas direktory Janat Basanūly.

Qazaqstan Respublikasy Sauda jäne integrasiia ministrlıgıne qarasty QazTrade sauda saiasatyn damytu ortalyǧynyŋ derekterıne säikes, 2023–2024 jyldary Qazaqstan men Päkıstan arasyndaǧy tauar ainalymy 2,1%-ǧa ösıp, 53,6 mln dollarǧa jetken. Qazaqstannan Päkıstanǧa eksport kölemı 2,1 esege artyp, 11,8 mln dollarǧa deiın ösken. Eksporttyŋ negızgı bölıgın auyl şaruaşylyǧy önımderı: piiaz, sarymsaq, zyǧyr tūqymy, būrşaq tūqymdastar jäne metall konstruksiialar qūraidy. Al Päkıstannan import kölemı 41,9 mln AQŞ dollaryn qūrady. Onyŋ ışınde sitrus jemısterı, därılık preparattar men toqyma būiymdary bar.

Sondai-aq, forum aiasynda Qazaqstanǧa Karachi men Gvadar porttaryna qoljetımdılıktı qamtamasyz etetın Tranzittık sauda turaly kelısımge qol qoiyldy. Būl qūjat ekı el arasyndaǧy jaŋa kölık-logistikalyq baǧyttardy damytuǧa jäne ekonomikalyq bailanysty nyǧaituǧa negız qalaidy.