Jaŋa poiyzdyŋ vagondaryna elordanyŋ bıregei körnekı jerlerı, atap aitqanda, Bäiterek, Qazaq elı monumentı, Nūr-Älem jäne basqa da nysandary beinelengen. Sondai-aq vagondarda Visit Astana jäne Visit Aqmola öŋırlerınıŋ turistık brendterı ornalastyrylǧan. Vagondardyŋ ışkı bezendırıluınen Astana qalasynyŋ mädeni erekşelıkterın jäne Burabai kurortty aimaǧynyŋ tabiǧi sūlulyǧyn köruge bolady. Poiyzdyŋ taǧy bır erekşelıgı – ekskliuzivtı audio tur. Sapar barysynda jolauşylar Astana men Burabaidyŋ tarihy, mädenietı men tabiǧi bailyǧy turaly qyzyqty derektermen tanysa alady. «Jaŋa turistık poiyzdy ıske qosu – ışkı turizmdı damytu jäne Qazaqstan boiynşa saiahattauǧa jaŋa mümkındıkter aşu jolyndaǧy maŋyzdy qadam. Būl joba el tūrǧyndary men qonaqtary üşın eŋ ädemı kurortty aimaqqa erkın jetuge mümkındık beredı», – dedı QR TSM Turizm industriiasy komitetınıŋ töraǧasy Nūrtas Kärıpbaev.

Poiyz Nūrly Jol (Astana) stansiiasy men Burabai kurorty arasynda toqtausyz jüredı. Jol jüru uaqyty – 2 saǧat 26 minut.