Jambyl oblysynda biyl 208 myŋnan astam oquşyny jazǧy demalys jäne sauyqtyru şaralarymen qamtu josparlanyp otyr. Būl mäsele oblys äkımı Erbol Qaraşökeev töraǧalyq etken keŋeste qaraldy.
Jiynda balalardyŋ jazǧy demalysyn ūiymdastyru jäne ūlttyq bıryŋǧai testıleuge daiyndyq barysy saralandy. Bılım basqarmasynyŋ basşysy Nūrbek Orşybekov öŋırdegı 531 mekteptı biyl 245 myŋnan astam oquşy aiaqtaitynyn aitty. Onyŋ ışınde 23 253 oquşy – 9-synyp, 14 437 tülek – 11-synyp bıtıruşılerı.
Biyl 670 tülek «Altyn belgıge», al 1 182 oquşy üzdık attestatqa ümıtker. 11-synyp tülekterınıŋ 11 911-ı nemese 82,5 paiyzy ŪBT-ǧa qatysuǧa niet bıldırgen. Oblysta ekı testıleu punktı jūmys ısteidı.
Balalardyŋ jazǧy demalysyn ūiymdastyruǧa jergılıktı biudjetten 662,4 million teŋge bölıngen. Josparǧa säikes 1-10 synyptaǧy 217 757 oquşynyŋ 208 235-ı jazǧy sauyqtyru jäne demalys şaralarymen qamtylady. Onyŋ ışınde 15 myŋnan astam bala qala syrtyndaǧy lagerlerde demalady. Negızgı basymdyq köpbalaly jäne az qamtylǧan otbasylardan şyqqan, jetım jäne ata-anasynyŋ qamqorlyǧynsyz qalǧan balalarǧa berılmek.
Öŋırdegı 6 oqu-sauyqtyru ortalyǧy balalardy qabyldauǧa daiyndalyp jatyr. Al 1 mausymnan bastap 407 mektep janyndaǧy lager jūmysyn bastaidy. Onda äleumettık qoldaudy qajet etetın otbasylardan şyqqan 31 967 balany qamtu közdelgen.
Sonymen qatar türlı baiqau men jarystardyŋ jeŋımpazy atanǧan 279 oquşy «Baldäuren» respublikalyq oqu-sauyqtyru ortalyǧyna joldama alady. Al köpbalaly jäne az qamtylǧan otbasylardan şyqqan 10 bala Almaty qalasyndaǧy Böbek sauyqtyru ortalyǧynda demalady.
Keŋeste balalar qauıpsızdıgı basty nazarda boluy kerektıgı aityldy. Oblys äkımı barlyq jazǧy lagerlerde qauıpsızdık talaptaryn küşeitıp, täulık boiǧy baqylaudy qamtamasyz etudı tapsyrdy. Sondai-aq bullingtıŋ aldyn alu, tärbieşılerdıŋ jauapkerşılıgın arttyru, lager qyzmetkerlerıne arnaiy nūsqamalyq oqytu jürgızu qajettıgın atap öttı.
Būdan bölek, polisiia, tötenşe jaǧdailar jäne bılım salasy mamandarynan qūralǧan monitoringtık toptardyŋ jūmysyn jandandyryp, ata-analarmen tūraqty kerı bailanys ornatu mındetı qoiyldy.
Jazǧy demalys kezınde balalardy sporttyq jäne tanymdyq üiırmelerge tartu, olardyŋ bos uaqytyn tiımdı ūiymdastyru mäselesıne de basymdyq berılmek. Sonymen qatar mektep bıtıruşıler arasynda jol qauıpsızdıgı, qoǧamdyq tärtıp jäne kämeletke tolmaǧandardyŋ qauıpsızdıgı boiynşa tüsındıru jūmystary küşeitıledı.
