Mäjılıste Qyzylorda oblysynyŋ äkımı Nūrlybek Nälıbaev kün tärtıbındegı mäseleler boiynşa atqarylǧan jūmystardy baiandady.
«Respublikada alǧaşqylardyŋ bırı bolyp, 2024 jyldyŋ qazan aiynda Qyzylorda qalasynda 900 oryndyq mektep el igılıgıne tabystaldy. Jyl basynda Qyzylorda qalasynda, Jaŋaqorǧan jäne Aral audandarynda 4 mektep paidalanuǧa berıldı.
Jaqyn künderı, Nauryz meiramy qarsaŋynda Qazaly audany Janqoja batyr auylyndaǧy 300 oryndyq mektep aşylady. Qalǧan 4 mekteptıŋ qūrylysyna kelsek, Qyzylorda qalasy «Arai» möltek audanyndaǧy 1500 oryndyq mekteptegı jūmys 53 paiyzǧa, «SPMK-70» şaǧyn audanyndaǧy 1500 oryndyq mektepte 35 paiyzǧa, Qyzyljarma auylyndaǧy 600 oryndyq mektepte 62 paiyzǧa, Aral audany Sekseuıl kentındegı 300 oryndyq mektepte 60 paiyzǧa oryndalǧan. Jaily mektepter jaŋa oqu jylyna deiın tabystalady», – dedı Nūrlybek Maşbekūly
Öŋırde «Jaily mektep» ūlttyq jobasymen 2023 jyly 6 900 oryndyq 10 mekteptıŋ qūrylysy bastalǧan bolatyn. Ötken jylǧa josparlanǧan 21 mlrd. 300 mln. teŋge tolyq igerıldı. Qyzylorda oblysynyŋ äkımdıgı infraqūrylym jetkızu üşın jergılıktı biudjetten bölgen 118,4 mln. teŋgege joba-smetalyq qūjattar äzırlenıp, saraptamanyŋ oŋ qorytyndysy alyndy. Jergılıktı biudjetten 1 mlrd. 700 mln. teŋge qarjy bölınıp, qazırgı taŋda 10 mektepke infraqūrylym tolyq jetkızıldı. Mektepterdıŋ ırgeles aumaqtaryn abattandyru, jol salu üşın 2 mlrd. 80 mln. teŋge qarjy qaraldy. Merdıgerler anyqtalyp, jūmys jürgızılude.
«Taza Qazaqstan» respublikalyq ekologiialyq baǧdarlamasynyŋ öŋırlık jospary bekıtılıp, keşendı jūmys jürgızılude.
Aimaqta 17 köpqabatty tūrǧyn üi aulasy, 7 balalar oiyn alaŋy jöndeuden ötkızıldı, 14 sport jäne oiyn alaŋy salyndy. Demeuşıler esebınen 63 köpqabatty tūrǧyn üi men 2 äleumettık nysannyŋ qasbetı zamanaui ülgıde ärlenude.
Oblys ortalyǧynan bastap barlyq eldı mekendegı mekeme ǧimarattary, aulalar, oiyn alaŋdary, aialdamalar, jaryq baǧanalarybıryŋǧai arhitekturalyq talaptarǧa säikestendırıldı.
Öŋırde jyl saiyn «Ülgılı eldı meken» konkursy ötkızılude. Soŋǧy ekı jylda üzdıkatanǧan eldı mekenderge 48 arnaiy tehnika tabystaldy. Biyl osy baǧytqa 564 mln. teŋge bölınıp, jeŋımpazdarǧa 19 kommunaldyqtehnika berılmek.
Qyzylorda oblysynyŋ äkımdıgı
