QMA Almaty oblysy boiynşa departamentı tegın medisinalyq kömektıŋ kepıldık berılgen kölemı aiasynda stomatologiialyq qyzmet körsetu kezınde jasalǧan alaiaqtyq deregı boiynşa tergep-tekserudı aiaqtady.
Stomatologiialyq klinikalarynyŋ direktory Äleumettık medisinalyq saqtandyru qory KEAQ-pen jalpy somasy 450 mln teŋgeden asatyn medisinalyq qyzmetterdı satyp alu turaly şarttar jasasqan.
Şart talaptaryna säikes klinikalar mındettı äleumettık medisinalyq saqtandyru jüiesı şeŋberınde azamattarǧa şūǧyl jäne josparly stomatologiialyq kömek körsetuge mındettengen.
Alaida küdıktı medisinalyq aqparattyq «Damumed» jüiesıne ortodontiialyq qyzmetter körsetılgenı turaly jalǧan mälımetter engızudı ūiymdastyrǧan. Naqtysynda atalǧan medisinalyq qyzmetter pasientterge körsetılmegen.
Zaŋsyz äreketterıne zaŋdylyq sipat beru maqsatynda küdıktı därıgerlerdıŋ eseptık jazbalaryn, sondai-aq klinikalarǧa būryn jügıngen kämeletke tolmaǧan pasientterdıŋ jeke derekterın rūqsatsyz paidalanǧan.
Nätijesınde ortodontiialyq kömek körsetudıŋ 4 597 rastalmaǧan jaǧdaiy anyqtaldy.
Keltırılgen zalal somasy 66 mln teŋgenı qūrady.
Sot sanksiiasymen banktık şottardaǧy 23 mln teŋge kölemındegı qarajatqa, sondai-aq qūny 29 mln teŋge tūratyn stomatologiialyq jabdyqtarǧa tyiym salyndy.
Tergeu barysynda küdıktı 11 mln teŋge kölemınde zalaldy ötegen. Oǧan qatysty üiqamaq türındegı būltartpau şarasy taŋdaldy.
Qazaqstan Respublikasy Qylmystyq-prosestık kodeksınıŋ 201-babyna säikes özge aqparat jariia etuge jatpaidy.
QR QMA Baspasöz qyzmetı
