Ekstremizmge qarsy ıs-qimyl bölınısınıŋ qyzmetkerlerı ŪQK-men bırlesıp, qūramynda Maqtaaral audanynyŋ tūrǧyndary bar radikaldy dıni toptyŋ qylmystyq äreketın toqtatty. - Jedel-ızdestıru ıs-şaralary barysynda küdıktılerdıŋ būl topqa radikaldy dıni közqarastary boiynşa bırıkkenı anyqtaldy. Olar äleumettık jelılerde basqa dındegı azamattardyŋ qadır-qasietın jäne dıni sezımderın qorlaityn sözder jariialap otyrǧan. Sot būryn ekstremistık dep tanyǧan audio jäne beinematerialdardy halyq arasynda taratqan, - dedı IIM-de. Küdıktılerdıŋ tūrǧylyqty jerı men jūmys oryndaryn tıntu barysynda 20-dan astam dıni ädebiet, esırtkı qūraldary, oq-därıler, zaŋsyz saqtalǧan qaru jäne basqa da zattai aiǧaqtar tärkılendı. Top jetekşılerı sottyŋ sanksiiasymen qamauǧa alyndy. - Jasalǧan qylmystyq äreketterdıŋ barlyq män-jaiyn anyqtauǧa baǧyttalǧan jedel-tergeu ıs-şaralary jalǧasuda, - dep atap öttı polisiia vedomstvosy.