Ötken jyldyŋ säuır aiynan bastap respublika aumaǧynda "Taza Qazaqstan" baǧdarlamasy jüzege asyryluda. Onyŋ aiasynda IIM qatty tūrmystyq jäne qūrylys qaldyqtaryn rūqsat etılmegen jerlerde tastauǧa, sondai-aq sūiyq qaldyqtardy poligondardan tys jerlerge töguge jol bermeu boiynşa jūmys jürgızıp keledı. Aksiiaǧa 7037 polisiia qyzmetkerı qatysty.

Mobildı toptar qaldyqtardy joiu salasynda tekseruler jürgızdı. Nätijesınde 1120 stihiialyq qoqys üiındısı anyqtaldy, sondai-aq 307 myŋ äkımşılık qūqyq būzuşylyq tırkeldı: qoǧamdyq oryndardy lastaudyŋ 109 myŋ faktısı; abattandyru erejelerın būzudyŋ 198 myŋ faktısı. Jergılıktı atqaruşy organdarǧa 782 būzuşylyqty joiu turaly nūsqau berıldı, onyŋ nätijesınde 524 qoqys üiındısı joiyldy. IIM azamattardy qorşaǧan ortany qorǧauǧa, qoqysty rūqsat etılmegen jerlerde qaldyrmauǧa jäne tazalyq pen tärtıptı saqtauǧa belsene qatysuǧa şaqyrady.

Aqparat közı Polisia.kz saitynda: https://polisia.kz/2024-zhyly-qazaqstanda-1120-stihiyalyq-qoqys-ujindisi-anyqtaldy/