Astanada Halyqaralyq balalardy qorǧau künı dästürlı türde eresekterge de, balalarǧa da arnalǧan qyzyqty ärı mazmūndy baǧdarlamasy bar merekelık ıs-şaralar ötedı. Biyl da būl ürdıs jalǧasady. Būl joly Astanada merekege erekşe daiyndyq jürıp, baǧdarlama jas erekşelıkterıne qarai bırneşe baǧytqa bölındı. Būl balalar men jasöspırımderdıŋ barynşa köp qatysuyna mümkındık beredı

Merekelık baǧdarlama alty bloktan tūrady. Ärqaisysy belgılı bır jas sanatyndaǧy balalardyŋ qyzyǧuşylyǧyna sai äzırlengen.

Alǧaşqy «Besık älemı» blogy üş jasqa deiıngı büldırşınderge arnalǧan.

1 mausym künı Jastar saiabaǧynda dästürlı «Arba FEST» arbalar şeruı ötedı. Al Prezident saiabaǧynda eŋbekteitın säbilerge arnalǧan «Şapşaŋ böbek» sporttyq jarysyn tamaşalauǧa bolady. Sondai-aq qala saiabaqtarynda «Baqyt mekenı» otbasylyq fotoaimaqtary men «Bala älemı» damytuşy oiyn alaŋdary ūiymdastyrylyp, merekelık köŋıl küi syilaidy.

Baǧdarlamanyŋ ekınşı «Balapan älemı» blogy 3-6 jas aralyǧyndaǧy balalarǧa arnalǧan. 25 mamyr men 1 mausym aralyǧynda kışkentai astanalyqtarǧa sudaǧy, köşedegı jäne internettegı qauıpsızdık erejelerı qarapaiym formatta tüsındırıletın tanymdyq ärı oiyn ıs-şaralary ötıp jatyr.

1 mausym künı III Halyqaralyq kloundar festivalı ötedı. Saǧat 12:00-de festivalge qatysuşylar «Bäiterek» monumentı maŋynan bastap Ǧaşyqtar saiabaǧyna deiın şeru jasaidy. Saiabaq «Han Şatyr» sauda oiyn-sauyq ortalyǧynyŋ qarsy betınde ornalasqan. Al saǧat 17:00-de Amfiteatrda festival ärtısterınıŋ qatysuymen konsert ötedı.

Osy künı saǧat 10:00-den 18:00-ge deiın qalalyq emhanalar balalardy tıs därıgerlerınıŋ profilaktikalyq tekseruınen ötkızu boiynşa aşyq esık künın ūiymdastyrady.

Üşınşı «Bılım men arman älemı» blogy – 7-10 jas aralyǧyndaǧy balalarǧa arnalǧan.

30 mamyr künı saǧat 11:00-de Jerūiyq-2 saiabaǧynda (Dostyq üiınıŋ artynda)«Baqytty şaŋyraq» erekşe balalarǧa arnalǧan «Baqytty bala» merekelık ıs-şarasyn ötkızedı.

1 mausym künı saǧat 12:00-de Kırpıştı tūrǧyn alabynda dästürlı «Köŋıldı starttar» bastalsa, bır saǧattan keiın osyndai ıs-şara Öndırıs tūrǧyn alabynda ūiymdastyrylady.

Saǧat 15:00-de «Han Şatyr» sauda oiyn-sauyq ortalyǧynda balalar sän körsetılımı ötedı.

Saǧat 10:00-de №64 mektep-liseiınde «Älem balalar közımen» atty aşyq aspan astyndaǧy şyǧarmaşylyq baiqau ūiymdastyrylady.

Osy künı Tehnikalyq jäne körkem şyǧarmaşylyq ortalyǧynda balalar jūmysynyŋ körmesı men «Barşaǧa quanyş syilaimyz» şeberlık sabaqtary ötedı. Sonymen qatar saǧat 10:00-de Qalalyq alaŋda konserttık baǧdarlama ūiymdastyrylady.

Törtınşı «Jas örken» blogy – 11-14 jas aralyǧyndaǧy balalarǧa arnalǧan.

25 mamyr men 1 mausym aralyǧynda saǧat 11:00-de Ortalyq saiabaqta, Prezident saiabaǧynda jäne «Jetısu» saiabaǧynda «Baqytty balalyq üşın» ıs-şarasy ötıp jatyr. Onyŋ aiasynda balalarǧa suda, köşede jäne internette özın ūstau erejelerı, jaraqat pen qauıptı jaǧdailardyŋ aldyn alu joldary tüsındırıledı.

29 mamyr künı saǧat 16:00-de Esıl jaǧalauyndaǧy Amfiteatrda «Jasyl el» jazǧy eŋbek mausymynyŋ saltanatty aşyluy ötedı.

25-31 mamyr aralyǧynda qalalyq polisiia departamentı balalarǧa kinologiialyq ortalyqqa ekskursiia ūiymdastyrady.

Saǧat 10:00-de M. Ötemısūly atyndaǧy Oquşylar saraiy alaŋynda «Bala energy» open-air festivalı ötedı. Osy uaqytta «ARQA ALAN» ūlttyq sport türlerın damytu ortalyǧynda «Ethno Games ArqaLan» festivalı ūiymdastyrylady.

Baǧdarlamanyŋ besınşı «Bolaşaqqa qadam» blogy jasöspırımderge arnalǧan.

1 mausym künı elordada «Astana FIDA Drone Soccer Championship» halyqaralyq dron-futbol chempionaty ötedı.

Saǧat 11:00-den 15:00-ge deiın Amfiteatr sahnasynda «QosymshaFest» festivalı ūiymdastyrylady.

Osy uaqytta äkımdık aldyndaǧy qalalyq alaŋda opera jäne balet teatrymen bırlesken «Türlı-tüstı mozaika» baiqauy ötedı.

Eŋ auqymdy altynşy «Baqytty otbasy» blogy otbasylyq qūndylyqtarǧa arnalǧan.

28 mamyrda Paralimpiadalyq jattyǧu ortalyǧynda balalar arasynda sporttyq-oiyn-sauyq jarystary ötedı.

29 mamyr künı MEGA Silk Way sauda-oiyn-sauyq ortalyǧynda «Şekarasyz densaulyq» aksiiasy ūiymdastyrylyp, onyŋ aiasynda salauatty ömır saltyn nasihattau jäne aurulardyŋ aldyn alu boiynşa aqparattyq materialdar taratylady

29 mamyr künı saǧat 11:00-de Abai daŋǧyly boiyndaǧy «Qalamgerler» alleiasynda erekşe balalarǧa arnalǧan «Ūrpaqtar sabaqtastyǧy» qaiyrymdylyq konsertı ūiymdastyrylady. Al 30 mamyr künı däl osy jerde qūtqaruşylar sudaǧy qauıpsızdık boiynşa şeberlık sabaǧyn ötkızedı.

30 mamyr künı saǧat 10:00-de Prezident saiabaǧynda «Ekomamafest 2026» otbasylyq ıs-şarasy ūiymdastyrylady.

30-31 mamyr künderı «Jetısu» saiabaǧynda tūrǧyndar men qala qonaqtaryna arnalǧan «BöpeFair» balalar festivalı ötedı.

31 mamyr men 3 mausym aralyǧynda elordanyŋ alty audanynyŋ balalary arasynda «Köŋıldı starttar» jarystary ūiymdastyrylady.

1 mausym künı saǧat 09:00-de Ortalyq saiabaqtaǧy şaŋǧy-roller trassasynda Halyqaralyq balalardy qorǧau künıne arnalǧan otbasylyq sporttyq Kids RUN jarysy bastalady.

Osy künı Prezident saiabaǧynda jas otbasylar «Otbasy – baqyt mekenı» suret salu kursyna qatysa alady. Is-şara saǧat 11:00-de bastalady. Bır saǧattan keiın Ailand otbasylyq demalys ortalyǧynda merekelık konsert ötedı.

Sonymen qatar mereke qarsaŋynda abattandyrudan keiın jaŋartylǧan balalar aula alaŋdarynyŋ saltanatty aşyluy josparlanǧan.

Jaŋartylǧan balalar oiyn jäne jattyǧu aimaqtary bar aulalar Respublika daŋǧyly, 2/2, Abai daŋǧyly, 34, 49, 51, Ǧabdullin köşesı, 17/1, Jürgenov köşesı, 18/2, Äzırbaev köşesı, 6, Qoşqarbaev daŋǧyly, 60, Kümısbekov köşesı, 7/1, Jeŋıs daŋǧyly, 5 jäne İrchenko köşesı, 31 mekenjailarynda aşylady.

Promyşlennyi, İnternasionalnyi, Michurino jäne Küigenjar tūrǧyn alaptaryndaǧy qoǧamdyq keŋıstıkterde saǧat 11:00-den bastap balalarǧa arnalǧan konsertter men interaktiv baǧdarlamalar ötedı.

Saǧat 11:00-den 13:00-ge deiın Prezident saiabaǧynda oiyndar, baiqaular men animatorlar qatysatyn merekelık baǧdarlama ūiymdastyrylady.

Saǧat 11:00-den 12:00-ge deiın Qoǧamdyq qor «Erekşe merekeler» qatysuymen erekşe bılım beru qajettılıkterı bar balalardyŋ konsertı ötedı. Odan keiın osy jerde «Bolashak» inkliuzivtı teatrynyŋ sän körsetılımı ūiymdastyrylady.

Saǧat 11:00-de elordada «Bereke Astana» oŋaltu ortalyǧynyŋ saltanatty aşyluy ötedı.

Osy uaqytta Ortalyq saiabaqta, Ūlttyq tennis ortalyǧy maŋynda «Bala Fest» balalar sporttyq oiyndary festivalı bastalady.

2 mausym künı saǧat 19:00-de Jastar saraiy ǧimaratynda Balalardy qorǧau künıne jäne «Otbasylyq aula kluby/Zamandas jastar kovorkingı» jobasynyŋ 15 jyldyǧyna arnalǧan konserttık baǧdarlama ötedı.

Būdan bölek, 1 mausymnan bastap qala boiynşa mektep janyndaǧy lagerler jūmysyn bastaidy.