Qūjat arnaiy bılım berudıŋ şarttaryna, sapasy men mazmūnyna qoiylatyn bıryŋǧai eŋ tömengı talaptardy aiqyndaidy, sondai-aq osyndai qoldau körsetuge jauapty ūiymdar men mamandardyŋ qyzmetın retteidı. Memlekettık deŋgeide alǧaş ret bılım berudıŋ barlyq satylarynda erekşe bılım beru qajettılıkterı bar balalardy süiemeldeuge jüielı täsıl bekıtıledı.

"Būiryq jobasy balalardyŋ barlyq sanattary üşın sapaly bılımge teŋ qoljetımdılıktı qamtamasyz etu jolyndaǧy maŋyzdy qadam bolmaq. Qazır sondai-aq "Erekşe bılım beru qajettılıkterı bar balalardy keşendı qoldau turaly" QR Zaŋy äzırlenude, ol balalar men otbasylaryn vedomstvoaralyq süiemeldeudıŋ institusionaldyq jäne qūqyqtyq tetıkterın qamtityn bolady", - dep atap öttı inkliuzivtı jäne arnaiy bılım departamentınıŋ direktory Laura Butabaeva.

Esterıŋızge sala keteiık, ötken jyly ministrlık inkliuzivtı jäne arnaiy bılım beru salasyndaǧy normativtık bazaǧa keşendı taldau jürgızdı. Onyŋ qorytyndysy boiynşa 15 Normativtık-qūqyqtyq akt bekıtılıp, nätijesınde, balalarǧa tuǧannan bastap mamandyq alǧanǧa deiıngı psihologiialyq-pedagogikalyq süiemeldeudıŋ üş deŋgeilı modelı engızıldı. Qoldau kabinetterıne jaŋa talaptar belgılendı, erekşe bılım beru qajettılıkterı bar balalarmen jūmys ısteudıŋ jeke baǧdarlamalary äzırlendı, pedagog-assistent, arnaiy pedagog jäne jeke kömekşı siiaqty jaŋa lauazymdar engızıldı.

2024 jyldyŋ derekterı boiynşa Qazaqstanda erekşe bılım beru qajettılıkterı bar balalardyŋ sany 230 myŋnan asty.