Äleumettık jelıler men messendjerlerde bala 1,5 jasqa tolǧannan keiın äielderdıŋ jūmyssyzdyq boiynşa äleumettık tölemderdı räsımdei alatyny turaly şyndyqqa säikes kelmeitın aqparat taraluda.
Mūndai habarlamalardyŋ avtorlary azamattarǧa alty ai boiy tölem alu üşın mansap ortalyǧynda jūmyssyz retınde tırkeludı ūsynady.
Qazaqstan Respublikasynyŋ Eŋbek jäne halyqty äleumettık qorǧau ministrlıgı būl «shemanyŋ» zaŋdy negızı joq ekenın jäne ol azamattardy jaŋylystyratynyn resmi türde tüsındıredı.
Qoldanystaǧy zaŋnamaǧa säikes, bala kütımı boiynşa demalysta otyrǧan äieldıŋ jūmys orny saqtalady, sondyqtan ol jūmyssyz dep tanylmaidy. Jūmyssyz märtebesı tek naqty jūmys ızdep jürgen jäne jūmysqa kırısuge daiyn adamdarǧa ǧana berıledı.
Sondai-aq jūmysynan aiyrylu boiynşa äleumettık tölem tek mındettı äleumettık saqtandyru jüiesıne qatysuşylarǧa taǧaiyndalatynyn eske salamyz. Olar jūmyssyz retınde tırkelıp, belgılengen talaptardy oryndauy tiıs. Tölem aluşy jūmysqa ornalasqan jaǧdaida būl turaly mansap ortalyǧyn uaqtyly habardar etuge mındettı. Eger jalǧan mälımetter ūsynylsa, tölengen qarajat zaŋnamada belgılengen tärtıppen qaitarylatyn bolady.
Ministrlık sondai-aq äleumettık tölemderdı alu maqsatynda ädeiı jalǧan mälımetter beru alaiaqtyq retınde baǧalanuy mümkın ekenın eskertedı. Osyndai jalǧan nūsqaulyqtardy taratatyn tūlǧalar da jauapkerşılıkke tartyluy yqtimal.
2025 jyly elımızdıŋ 12 öŋırınde alaiaqtyq faktılerı boiynşa 30-dan astam qylmystyq ıs qozǧaldy. Bes öŋırde qazırdıŋ özınde 7 sot ükımı şyǧaryldy. Tergeu barysynda azamattardyŋ äleumettık jelılerdegı (sonyŋ ışınde Instagram-daǧy) jarnamalyq jariialanymdarǧa senıp, äleumettık tölemderdı zaŋsyz alu shemalaryna tartylǧany anyqtaldy.
Osyǧan bailanysty azamattardy messendjerler men äleumettık jelılerdegı beitanys adamdarǧa senbeuge, jeke derekterın bögde tūlǧalarǧa bermeuge jäne aqparattyŋ tek resmi közderın paidalanuǧa şaqyramyz.
Äleumettık qoldau şaralary turaly tolyq aqparat enbek.gov.kz saitynda, Ministrlıktıŋ äleumettık jelılerdegı resmi akkaunttarynda, sondai-aq 1414 nömırı boiynşa bailanys ortalyǧy arqyly qoljetımdı.
