Eksperimenttıŋ bırınşı kezeŋınde, 2024 jylǧy 1 jeltoqsannan 2026 jylǧy 30 mausymǧa deiın Mäskeu qalasynyŋ halyqaralyq äuejailaryna (Domodedovo, Şeremetevo, Vnukovo jäne Jukovskii), sondai-aq Orynbor oblysyndaǧy "Maştakovo" avtomobil ötkızu punktı arqyly keletın Qazaqstan azamattary biometriialyq derekterın – bet beinesı men sausaq ızderın tapsyruǧa mındettı. Ekınşı kezeŋde, 2025 jyldyŋ 30 mausymynan 2026 jyldyŋ 30 mausymyna deiın eksperiment Reseidıŋ memlekettık şekarasyndaǧy barlyq ötkızu punktterın qamtidy. Būl kezeŋde elge kıruşı ärbır şeteldıktıŋ (onyŋ ışınde Qazaqstan azamattarynyŋ) sifrlyq beiını qalyptastyrylatyn bolady. Būl rette, mūndai beiındı RuID qosymşasy arqyly öz betınşe qūruǧa bolady, ol basqa memleketterdıŋ azamattary üşın memlekettık qyzmetterdıŋ analogy bolady jäne sapar turaly habarlauǧa, sondai-aq Resei aumaǧynda ärtürlı memlekettık qyzmetterdı aluǧa mümkındık beredı (mysaly, medisinalyq saqtandyrudy räsımdeu). Sifrlyq beiın bırqatar memlekettık jüielerge, onyŋ ışınde memlekettık körsetıletın qyzmetter jüiesıne engızıletın bolady.
Şekaradan ötu punktterındegı qosymşa tärtıpterge aldyn ala daiyn boludy ūsynamyz.
Atalǧan joba (eksperiment) talaptarynan:
– Reseide akkredittelgen diplomatiialyq ökıldıkter men halyqaralyq ūiymdardyŋ qyzmetkerlerı jäne olardyŋ otbasy müşelerı;
– diplomatiialyq jäne qyzmettık pasporttardyŋ ielerı;
– 6 jasqa deiıngı balalar bosatylady.
