Astanada «Taza Qazaqstan» respublikalyq ekologiialyq aksiiasy aiasynda M. Gorkii atyndaǧy memlekettık akademiialyq orys drama teatrynyŋ ūjymy senbılık ötkızıp, mekeme aumaǧy men oǧan ırgeles keŋıstıkte tazalyq jūmystaryn ūiymdastyrdy.

Senbılık barysynda ǧimarat maŋy qoqystan tazartylyp, aumaqty retke keltıru, sanitarlyq tazalau jäne abattandyru jūmysy jüzege asyryldy. Teatr qyzmetkerlerı qorşaǧan ortanyŋ tazalyǧyn saqtauǧa baǧyttalǧan ortaq ıske belsendı atsalysyp, elordanyŋ körkeiuıne öz ülesterın qosty.

«M. Gorkii atyndaǧy Memlekettık akademiialyq orys drama teatry «Taza Qazaqstan» aksiiasyn belsendı qoldady. Teatr ūjymy üşın tazalyq pen qorşaǧan ortaǧa qamqorlyq – mädeni-aǧartuşylyq missiiasynyŋ maŋyzdy bölıgı. Bügıngı senbılık ortaq jauapkerşılık pen bırlıktıŋ körınısı boldy: qyzmetkerler teatr ışın jäne ainalasyn retke keltırdı» – dedı M. Gorkii atyndaǧy Memlekettık akademiialyq orys drama teatry direktorynyŋ orynbasary Aleksandra Kustovskaia.

Būl bastama tek bır rettık aksiia şeŋberınde ǧana emes, qoǧamda tazalyq mädenietın ornyqtyruǧa, ekologiialyq jauapkerşılıktı arttyruǧa jäne qorşaǧan ortaǧa ūqypty qarau daǧdysyn qalyptastyruǧa baǧyttalǧan maŋyzdy qoǧamdyq jūmys retınde jalǧasuda. Tazalyq pen tärtıptı saqtau – ortaq sana men jauapkerşılıktıŋ körınısı.

Aldaǧy künderı Mädeniet basqarmasyna qarasty mekemelerde senbılıkter men abattandyru jūmystary jalǧasady. Qyzmetkerler teatrlar aumaǧyn, tarihi eskertkışter men mädeniet oşaqtarynyŋ ainalasyn tazalau jūmystaryn kezeŋ-kezeŋımen jürgızetın bolady.