Qola medal üşın beldesude jerlesımız Bauyrjan Arstanbekovpen kezdesuı tiıs edı. Alaida qarsylastyŋ bas tartuyna bailanysty jeŋıs Erǧaliǧa berıldı.

Erǧali Şamei būǧan deiın 1/8 finalda üş dürkın Paralimpiada jüldegerı, fransiialyq Siril Jonarmen 7 minut boiy tabandy küresıp, ökınışke qarai, jeŋıstı qoldan jıberdı. Aita ketu kerek, Erǧali älem chempionatyna jaŋadan auysqan salmaqta – 81 kelıde qatysyp otyr. Būǧan deiın ol 73 kelı salmaq därejesınde öner körsetken.

Osylaişa, 2025 IBSA Judo World Championships Astana jarysynyŋ alǧaşqy künınde qazaqstandyq para dziudoşylar jalpy 5 jülde jeŋıp aldy. Atap aitqanda, Qazaqstan qūramasy 1 altyn, 1 kümıs jäne 3 qola medal ielendı.

Aita keteiık, är tört jyl saiyn ötetın būl maŋyzdy dodaǧa älemnıŋ 40 elınen 350-den astam sportşy qatysyp jatyr. Biylǧy jahandyq bäsekege 15-ten astam Paralimpiada chempiony men älemdık sport jūldyzdary arnaiy kelgen.