Astanadaǧy Coventry University Kazakhstan alaŋynda klassikalyq şahmattan erler men äielder arasyndaǧy 2026 jylǧy Qazaqstan Respublikasynyŋ chempionaty öz märesıne jettı. El bırınşılıgınde 15 jastaǧy astanalyq şahmatşy Sauat Nūrǧaliev sensasiialyq nätije körsetıp, Qazaqstan chempiony atandy
Jas sportşy 13 tur qorytyndysy boiynşa 5 jeŋıs, 8 teŋ oiyn körsetıp, bırde-bır partiiada jeŋılmei, 9 ūpai jinady.
Nätijesınde ol Qazaqstan chempiony atanyp, osy jyldyŋ eŋ üzdık şahmatşysy ataǧyn ielendı.
Sondai-aq erler arasyndaǧy jarysta taǧy bır elordalyq şahmatşy Jandos Aqmanov 8,5 ūpaimen kümıs jüldege qol jetkızdı. Al qola jülde almatylyq Ramazan Jalmahanovtyŋ enşısıne būiyrdy.
Äielder arasyndaǧy doda soŋǧy sekundtarǧa deiın tartysty öttı. Tört şahmatşynyŋ ūpaiy teŋ tüsıp, chempion taǧdyry qosymşa körsetkışter men tai-breik arqyly şeşıldı. Rapid jäne blis oiyndarynyŋ nätijesınde astanalyq Meruert Kamalidenova kümıs jüldeger atandy. Bırınşı oryndy atyraulyq sportşy Zarina Nūrǧalieva ielense, qola jülde şymkenttık şahmatşy Elnaz Qaliahmetke būiyrdy.
Aita keteiık, būl chempionat ūlttyq qūramaǧa ırıkteudıŋ maŋyzdy kezeŋı sanalady. Sondai-aq jeŋımpazdar Qazaqstan atynan halyqaralyq jarystarda, sonyŋ ışınde Düniejüzılık şahmat olimpiadasynda öner körsetu mümkındıgıne ie bolady.
