Şaraǧa Ǧylym jäne joǧary bılım ministrınıŋ keŋesşısı Ruslan Emelbaev, Astana qalasy Bılım basqarmasynyŋ basşysy Qasymhan Senǧazyev, Ūlttyq testıleu ortalyǧy direktorynyŋ orynbasary Naujan Didarbekova, EŪU akademiialyq mäseleler jönındegı prorektory Ardaq Beisenbai jäne şeteldık JOO filialdarynyŋ ökılderı qatysty.

«Study in Kazakstan» körmesınıŋ negızgı maqsaty – Qazaqstannan şyqpai-aq şeteldık JOO-da bılım aluǧa mümkındık jasau. Qazırgı taŋnyŋ özınde elımızdıŋ köptegen öŋırlerınde şeteldıŋ bılıktı JOO-men bailanys ornatylyp, qos diplom jüiesı boiynşa bılım aluǧa jaǧdai jasalǧan. Aldaǧy uaqytta şeteldık joǧary oqu oryndarynyŋ sanyn arttyru közdelude. Būl turaly Ǧylym jäne joǧary bılım ministrınıŋ keŋesşısı Ruslan Emelbaev öz baiandamasynda atap öttı.

«Sızderdıŋ bılım alularyŋyzǧa elımız tarapynan barlyq jaǧdailar jasaluda. Aldaǧy uaqytta şeteldık JOO filialdarynyŋ sanyn arttyryp, qos diplom baǧdarlamasy boiynşa auqymdy jūmystar atqarylady. Osy ötıp jatqan körmeden kerektı aqparattardy ala alasyzdar degen senımdemın. Sızderge aldaǧy uaqytta sättılık tıleimın!», – dedı Ruslan Emelbaev.

Aita keteiık, talapkerler şeteldık joǧary oqu oryndarynyŋ filialdaryna Ūlttyq bıryŋǧai testıleudıŋ nätijesımen tüse alady. Būl degenımız – elımızde jürıp, özıŋız armandaǧan oqu ornynyŋ diplomyna qol jetkızuge bırden-bır mümkındık.

Ǧylym jäne joǧary bılım ministrlıgı