Senbılık aiasynda qala aumaǧyn qoqystan tazartu, saiabaqtardy, gülzarlardy, aulalardy, sondai-aq sauda, qoǧamdyq tamaqtanu nysandaryna jäne basqa da ūiymdarǧa ırgeles aumaqtardy jinau josparlanyp otyr.

Äkımdık qalanyŋ barlyq käsıpornyn, MİB (PİK), şaǧyn jäne orta biznes subektılerın, erıktıler men belsendı qala tūrǧyndaryn ekoaksiiaǧa qosyluǧa jäne tazalyq şarasyna qatysuǧa şaqyrady.

Auqymdy ekoaksiia aiasynda 1,4 myŋnan astam jasyl jelek otyrǧyzu josparlanǧan.

Esterıŋızge sala keteiık, ekoaksiianyŋ negızgı maqsaty qala köşelerındegı tazalyqty saqtau jäne ekologiialyq mädeniettı qalyptastyru mäselelerıne jūrtşylyqtyŋ nazaryn audaru bolyp sanalady.

Qalanyŋ barlyq tūrǧyny men ūiymdary köşeler men aulalardy abattandyruǧa üles qosa alady. Ekoaksiia saǧat 10.00-den bastalady.