Eŋselı elordamyzda dübırlı dodalarda top jaryp, qalamyzben qatar elımızdıŋ abyroiyn asqaqtatyp jürgen saŋlaqtar jeterlık.
2025 jyldyŋ 1-jartyjyldyǧynda qala qūramasynyŋ sportşylary 5000-nan astam türlı medalǧa ie boldy (altyn – 1956, kümıs – 1706, qola-1613). Tek qalalyq deŋgeidegı jarystarda sportşylar 1255 jüldelı oryn ielense, respublikalyq deŋgeidegı jarystarda — 3374 medal, al halyqaralyq jarystarda 646 medal jeŋıp aldy. Būl turaly Astananyŋ Kommunikasiialyq qyzmet alaŋynda ötken brifingte Dene şynyqtyru jäne sport basqarmasy basşysynyŋ mındetın atqaruşy Azamat Aǧzamov mälım ettı, dep habarlaidy elorda äkımdıgınıŋ resmi saity.
Azamat Aǧzamovtyŋ aituynşa, Astana qalasynyŋ qūrama komandasynyŋ sportşylary 1308 sporttyq ıs-şaraǧa qatysty. Atap aitqanda:
• qalalyq jarystar – 54,
• respublikalyq jarystar – 661,
• halyqaralyq jarystar – 266,
• oqu-jattyǧu jiyndary – 327.
Elordalyq sportşylardyŋ älemdık dodalardaǧy jeŋısterı men joǧary nätijelerı elımızdegı sport salasynyŋ qarqyndy damyp kele jatqanynyŋ bırden-bır dälelı. Olar elımızdıŋ kök tuyn kökte jelbıretıp, «Qazaqstan» atauyn düniejüzıne tanytyp, el abyroiyn asqaqtatyp jür.
Atap ötsek, aqpan aiynda Astana qalasynyŋ qūrama komandasy Harbin qalasynda ötken IX Qysqy Aziia oiyndarynda baq synady. Jarystar jalpy 11 sport türı boiynşa ūiymdastyryldy. Qazaqstan Respublikasynyŋ ūlttyq qūramasy sapynda öner körsetken Astana qalasynyŋ komandasy bes sport türınen 37 sportşymen ūsynyldy: şaibaly hokkei, şort-trek, konkimen jügıru, mänerlep syrǧanau jäne kerling. Astana qalasynyŋ sportşylary keşendı jarystyŋ qorytyndysy boiynşa 6 medal jeŋıp aldy.
Sonymen qatar, tört jylda bır ret ötetın VI Qysqy Spartakiadada Astana qalasynyŋ qūramasy jalpykomandalyq esepte 2-oryndy ielenıp, 14 altyn, 15 kümıs jäne 6 qola medal jeŋıp aldy. Üş aiǧa sozylǧan tartysty dodada elordamyzdyŋ namysyn 7 sport türı boiynşa 70 sportşy qorǧady.
Amman qalasynda ötken bokstan jasöspırımder arasyndaǧy Aziia chempionatynda (U15 jäne U17) elordalyq Dosjan Jūmaqan men Sanjar Matasov Qazaqstannyŋ namysyn abyroimen qorǧap, altyn medalǧa ie boldy.
2025 jyldyŋ 1–30 mausymy aralyǧynda tırek-qimyl apparaty, köru organdary zaqymdalǧan jäne intellektualdyq damu erekşelıkterı bar sportşylar arasynda Qazaqstan Respublikasynyŋ VII Spartakiadasy öttı. Atalǧan jarysta Astana qalasy jalpykomandalyq esepte 1-oryndy ielendı.
Elorda törınde grek-rim, erkın jäne äielder küresınen Qazaqstan Respublikasynyŋ Kubogy öttı. Būl dübırlı dodada Astana qalasynyŋ namysyn qorǧaǧan grek-rim küresınıŋ saŋlaqtary erekşe tabandylyq pen qaisar mınez körsetıp, jalpykomandalyq esepte köş bastap, 1-orynǧa ie boldy. Bozkılem şeberlerı 2 altyn, 2 kümıs jäne 3 qola medaldı qanjyǧalaryna bailady.
Sondai-aq Astanada erler men äielder arasynda bokstan Älem kubogy öttı. Būl – Olimpiadalyq WORLD BOXING ūiymynyŋ Qazaqstandaǧy alǧaşqy jarysy. Būl bedeldı bäsekede Astananyŋ namysyn üş sportşymyz qorǧady: Sanjar Taşkenbai men aǧaiyndy Aibek jäne Nūrbek Oralbailar. Nätijesınde:
Sanjar Taşkenbai – altyn medal,
Nūrbek Oralbai – kümıs medal,
Aibek Oralbai – asa auyr salmaqta altyn medal ielendı.
Osylaişa Qazaqstan öz jerınde ötken Älem kubogyn segız altyn medalmen qorytyndylap, el mereiın asqaqtatty.
Astanada ötken auyr atletikadan jasöspırımder men jastar arasyndaǧy Aziia chempionatynda qos sportşymyz jüldeger atandy. Atap aitsaq, talantty sportşymyz Edıge Emberdı Aziia rekordymen jastar arasynda Aziia chempiony atandy. Ol serpe köteru men qossaiys nätijesınde ekı bırdei Aziia rekordyn jaŋartty. Taǧy bır sportşymyz Aŋsar Tūrsymbek +94 kelıden joǧary salmaq därejesınde el namysyn qorǧap, serpe köterude 182 kelı, al qossaiysta 326 kelını (144+182) eŋserıp, ekı kümıs medal jeŋıp aldy.
Künı keşe Sofiiada ötken älem chempionatynda elımızdıŋ atyn asqaqtatqan körkem gimnastika şeberı Aqmaral Erekeşeva qos altyn jäne bır kümıs medal jeŋıp alyp, Qazaqstan sport tarihyna jarqyn ız qaldyrdy.
Qazırgı uaqytta elımızde Qazaqstan Respublikasynyŋ Jastar sport oiyndary ötıp jatyr. Qazırgı taŋda Astana qalasynyŋ qūramasy jalpykomandalyq esepte 2-orynda keledı - deidı.
Sondai-aq basqarma basşysynyŋ mındetın atqaruşy Azamat Aǧzamov brifing barysynda elordalyq sportşylardyŋ aldaǧy jarystary turaly baiandady.
Osy syndy jetıstıkterımız kün sanap artyp, el sportynyŋ damuyna ülken üles qosuda. Būl – eselı eŋbek pen tälım bergen bapkerlerdıŋ jemısı.
Älbette, özge de saŋlaq sportşylarymyz jeterlık - dedı Azamat Aǧzamov.
Baspasöz qyzmetı
