Astanada «Taza Qazaqstan» respublikalyq ekologiialyq aksiiasy aiasynda abattandyru erejelerınıŋ būzyluyna jol bermeu boiynşa jüielı jūmys jalǧasyp jatyr. Būl baǧytta polisiia keşendı şaralar qabyldap, zamanaui sifrlyq tehnologiialardy da qoldanuda

Qalanyŋ ekologiialyq jaǧdaiyn jaqsartu jäne syrtqy kelbetın saqtau maqsatynda tärtıp saqşylary qoǧamdyq aumaqtardy lastau faktılerın anyqtau jäne abattandyru erejelerınıŋ saqtaluyn baqylau boiynşa keşendı şaralar jürgızıp jatyr.

Būl rette qūqyq būzuşylyqtardy anyqtau üşın Jedel basqaru ortalyǧynyŋ kameralary jäne ūşqyşsyz ūşu apparattary (drondar) belsendı paidalanylady. Olar zaŋsyz qoqys oryndaryn, onyŋ ışınde qala şetınde ornalasqan aumaqtarda jedel anyqtauǧa mümkındık beredı.

Tūraqty türde reidter men patruldeu jūmysy jürgızıledı. Eŋ jiı būzuşylyqtar qūrylys nysandary maŋynda tırkeledı, mūnda qūrylys jäne tūrmystyq qaldyqtardyŋ uaqytyly şyǧarylmai jinalyp qaluy baiqalady.

Mäselen, elordanyŋ bır audanynda, Köktal köşesı boiynda tūrǧyn jäne öndırıstık nysandar maŋynda osyndai bırqatar problema anyqtalǧan.

Ärbır derek boiynşa tiıstı şaralar qabyldanǧan.

Jyl basynan berı qalada abattandyru erejelerın būzudyŋ şamamen 19 myŋ faktısı tırkelgen. Sonymen qatar, qaldyqtardy belgılenbegen oryndarǧa tastau derekterı boiynşa Astana qalasy Ekologiia departamentıne şamamen 400 material joldanyp, tiıstı şara qabyldau üşın jıberılgen.

Polisiia tūrǧyndarmen jäne ekologiialyq belsendılermen bırlesıp, profilaktikalyq jūmystardy da küşeitıp otyr.

Būl ekologiiaǧa jauapkerşılıkpen qarau mädenietın qalyptastyruǧa baǧyttalǧan.

Qūqyq qorǧau organdary abattandyru erejelerın saqtau ärbır tūrǧynnyŋ mındetı ekenın eske salady. Belgılengen normalardy būzu äkımşılık jauapkerşılıkke äkep soǧady.