QR Qarjy ministrlıgınıŋ bastamasymen ūiymdastyrylǧan auqymdy jiynda ministrlıkterdıŋ, memlekettık kompaniialardyŋ jäne bank sektorynyŋ, sonyŋ ışınde Qazaqstan Ūlttyq Bankınıŋ, Halyk Bank, Kaspi Bank, Bereke Bank jäne basqa da qarjy instituttary men ısker toptardyŋ ökılderı jinaldy. Is-şara kezınde azamattar men biznestıŋ memlekettık qyzmetterdı aludaǧy özara bailanysyn jeŋıldetıp, qarjy industriiasyndaǧy sifrly tehnologiialardyŋ mümkındıkterı talqylandy.
Vedomstvo bırneşe jyldan berı memlekettık qyzmetterdıŋ sapasy men qauıpsızdıgın arttyruǧa den qoiyp, sifrly tehnologiialardy belsendı türde engızıp keledı. Keiıngı üş jylda qūzyrly organ memlekettık qarjy jüiesın äkımşılendırudı jeŋıldetıp, jeke jäne zaŋdy tūlǧalarǧa arnalǧan yŋǧaily servister qūru boiynşa köptegen sifrlyq şeşımdı ıske qosqanyn aita keteiık. Atalǧan jobalar qyzmet körsetu sapasyn aitarlyqtai jaqsartyp, memlekettık organdarmen özara bailanysty qarapaiym, jyldam jäne aşyq qyluǧa mümkındık beredı.
«Memleket basşysy Qazaqstan halqyna Joldauynda bırneşe ret barlyq salada sifrlandyrudy engızudıŋ maŋyzdylyǧyn aityp, tiıstı mındettı jüktegen-dı. Qazırgı älemde sifrlandyru kez kelgen ekonomikanyŋ ornyqty damuynyŋ maŋyzdy elementıne ainalyp otyr. Bızdıŋ mındetımız – memlekettık qarjy jüiesınıŋ jäne onymen bailanysty barlyq prosestıŋ qoljetımdılıgın küşeitıp, aşyq jäne azamattardyŋ yŋǧailyǧyna baǧdarlanǧan qyzmettı jolǧa qoiu», - dedı QR Qarjy vise-ministrı Äset Tūrysov.
Digital Finance Day aiasynda ministrlık Salyqtyq äkımşılendırudıŋ bıryŋǧai sifrly platformasyn, Smart Data Finance, «Elektrondyq memlekettık satyp alu» aqparat jüiesın, Käsıpkerdıŋ bıryŋǧai jeke kabinetın, Tauarlardyŋ sifrly katalogy men E-Qazyna platformasy syndy bırneşe sifrly önımnıŋ artyqşylyqtaryn köpşılıkke tanystyrdy. Būl jüieler salyq töleuşılerdıŋ türlı sanattaryna, atap aitqanda zaŋdy tūlǧalarǧa, käsıpkerler men jeke tūlǧalarǧa – memlekettık qyzmetterdı tez ärı yŋǧaily alyp, sondai-aq importtan nemese öndırısten bölşek saudaǧa jäne eksportqa deiıngı tauarlar tızbegın qaşyqtan baqylap, täuekelderdı azaitu men aşyqtyqty arttyruǧa mümkındık beredı.
Sonymen qatar ıs-şaraǧa qatysyp jatqan Halyk Bank, Kaspi Bank jäne Bereke Bank sekıldı banktermen integrasiia arqyly Qarjy ministrlıgı biznes pen halyqqa arnalǧan qyzmetterdıŋ qoljetımdılıgı men sapasyn aitarlyqtai jaqsartyp keledı. Ministrlıktıŋ elektrondy qyzmetterı bankterge qyzmet körsetu aiasyn keŋeitıp, yŋǧaily zamanaui biznes şeşımderdı ūsynuǧa, sondai-aq klientterge qauıpsız ärı jaily servistı körsetuge septıgın tigızude.
«Digital Finance Day – tek ideialarmen bölısudı ǧana emes, sonymen qatar jaŋa serıktestıkterdı tauyp, ıskerlık bailanysty nyǧaituǧa mümkındık beretın alaŋ. Bırlesken jūmys arqyly bız kez kelgen qiyndyqty eŋserıp, qoǧamnyŋ müddesıne baǧyttalǧan ornyqty sifrly qarjy infraqūrylymyn qūra alatynymyzǧa senımdımın», - dedı Äset Tūrysov.
Memlekettık qarjy jüiesınıŋ sifrly transformasiiasynyŋ qyzmet körsetudıŋ jaŋa deŋgeiın qalyptastyruda septıgı mol. Būl arqyly otandyq biznestıŋ örısı keŋeiıp, azamattardyŋ baquattylyǧy arta tüsedı. Qarjy ministrlıgınıŋ jobalary şeşım qabyldau kezınde adami faktordyŋ aldyn aluǧa, sybailas jemqorlyqty azaityp, manipuliasiialyq mümkındıkterdı boldyrmauǧa baǧyttalǧan. Säikesınşe osy arqyly azamattar men biznestıŋ memlekettık jüiege degen senımı nyǧaiady.
Aita ketsek, ıs-şara barysynda QR Qarjy ministrlıgınıŋ jaŋa logotipı tanystyryldy.
Ministrlıktıŋ mälımetınşe, jaŋa logotip vedomstvonyŋ sifrly däuırdegı innovasiialar men ornyqty damuǧa degen ūmtylysyn beineleidı. Sonymen qatar bas qarjy organnyŋ taŋbasy dästür sabaqtastyǧy men zaman aǧymyna qarai örleudıŋ mänın aiǧaqtaidy.
