QR Densaulyq saqtau ministrı Aqmaral Älnazarova, Parlament Mäjılısınıŋ deputattary Marhabat Jaiymbetov, Mūrat Ergeşbaev, oblys äkımınıŋ bırınşı orynbasary Daniiar Janalinov «Qamqorlyq» erte aralasu ortalyǧynyŋ jäne jūqpaly aurular auruhanasynyŋ jūmysymen tanysty.
Aimaqta jyl saiyn şamamen 20 myŋ näreste düniege keledı, al 18 jasqa deiıngı balalar sany 322 myŋǧa jetedı. Balalardy oŋaltu qyzmetınıŋ qoljetımdılıgın arttyru maqsatynda 2022 jyly «Qamqorlyq» ortalyǧy aşylǧan bolatyn. Oǧan jergılıktı biudjetten 205,6 mln teŋge bölındı, al «Samūryq-Qazyna» AQ jäne «Qamqorlyq» qorynan qaralǧan 103,4 mln teŋgege qūral-jabdyqtar alynyp, mamandar bılıktılıgın arttyrdy.
Ortalyq aşylǧan tört jyl ışınde 6 000-ǧa juyq bala oŋaltu qyzmetın aldy. Qozǧalu, söileu daǧdylaryn damytyp, äleumettık beiımdeludıŋ maŋyzdy kezeŋderın sättı aiaqtady. Mūnda balalarǧa medisinalyq jäne pedagogikalyq kömek körsetıledı. Atap aitqanda, medisinalyq oŋaltu, emdık dene şynyqtyru, fizioterapiia, logopediialyq jäne defektologiialyq qoldau, sondai-aq eŋbek terapiiasy.
Oblystyq jūqpaly aurular auruhanasy 2024 jyly keşendı kürdelı jöndeuden ötıp, ötken jyldyŋ soŋynda tolyqtai paidalanuǧa berıldı. Kürdelı jöndeuge jergılıktı biudjetten 1,6 mlrd teŋge qaraldy. Bügınde jaŋartylǧan bölımşeler pasientter men medisina qyzmetkerlerınıŋ joǧary baǧasyn aluda. Soŋǧy üş jylda auruhananyŋ materialdyq-tehnikalyq bazasyn nyǧaituǧa 590 840 153 teŋge qarjy bölıngen, 49 mln teŋgege 2 avtokölık satyp alyndy.
Ötken jyly klinikalyq farmakologiia jäne gospitaldyq farmasiia bölımşesı aşylyp, zamanaui qūral-jabdyqtarmen qamtamasyz etıldı. Aldaǧy uaqytta fizioterapiialyq emdeu bölımşesın ıske qosu jäne medisina qyzmetkerlerınıŋ şetelde bılıktılıgın arttyru josparlanǧan.
@Qyzylorda oblysy äkımınıŋ baspasöz qyzmetı
