Is-şara EKSPO bulvary aumaǧynda ūiymdastyrylyp, oǧan 300-ge juyq adam qatysty. Olardyŋ qatarynda «Jastar Ruhy» jastar qanatynyŋ belsendılerı, Qazaqstan halqy assambleiasynyŋ ökılderı jäne elordalyq joǧary oqu oryndarynyŋ studentterı boldy. Is-şaranyŋ basty maqsaty – patriotizmdı nyǧaitu, memlekettık rämızderge degen qūrmettı arttyru jäne bırlıgımızdı nasihattau.

Qatysuşylar josparly türde sapqa tūryp, Memlekettık tudy bır mezette jaidy, osylaişa halqymyzdyŋ bırlıgı men dostyǧyn beineledı. Būl körınıs tūrǧyndardyŋ zor qoşemetıne ie bolyp, köpşılık syrttai fotoǧa jäne videoǧa tüsırıp jatty.

Ūiymdastyruşylardyŋ aituynşa, mūndai aksiialar elordada tūraqty türde ötkızılıp keledı. Olar jastardyŋ azamattyq bıregeilıgın qalyptastyryp, qoǧamdyq ömırge belsendı aralasuyna yqpal etedı.