Almaty halyqaralyq äuejaiynda 56-şy Halyqaralyq fizika olimpiadasynyŋ (IPhO-2026) jeŋımpazdaryn saltanatty qarsy alu räsımı öttı. Oǧan Oqu-aǧartu ministrı Jūldyz Süleimenova qatysyp, oquşylardy tarihi jetıstıkterımen qūttyqtady. Ministr ūlttyq qūramany joǧary deŋgeide daiyndauǧa jäne tarihi nätijege qol jetkızuge üles qosqan pedagogter men tälımgerlerge alǧysyn bıldırdı.
Saltanatty kezdesu erekşe jyly ärı merekelık köŋıl küide öttı. Jeŋımpazdardy gül şoqtarymen, ystyq yqylaspen jäne Qazaqstannyŋ älemdık ziiatkerlık arenadaǧy abyroiyn asqaqtatqan jetıstıkterı üşın şynaiy alǧys sözderımen qarsy aldy.
Saltanatty kezdesudıŋ basty keiıpkerlerı Halyqaralyq fizika olimpiadasynyŋ bes altyn medal iegerlerı - Nūrgül Egenbergenova, Ämırbek Azatbekov, Iliias Qazymbek, Roman Cheremnov jäne Damir Qūrman boldy. Olarmen bırge elge ūlttyq qūramany daiyndau jönındegı jetekşı Güliia Nūrbaqova, sondai-aq komanda jetekşılerı Samat Maqsūtov pen Älışer Erkebaev oraldy.
Halyqaralyq fizika olimpiadasy 4-12 şılde aralyǧynda Kolumbiianyŋ Bukaramanga qalasynda öttı. Bedeldı bılım bäigesıne älemnıŋ 85 elınen 381 oquşy qatysty. Nätijesınde Qazaqstan qūramasy öz tarihynda alǧaş ret bes altyn medal jeŋıp aldy.
Būl tarihi jetıstık qazaqstandyq oquşylardyŋ joǧary daiyndyq deŋgeiı men pedagogterdıŋ käsıbilıgınıŋ aiqyn körınısı boldy. Sonymen qatar ol Memleket basşysy Qasym-Jomart Toqaevtyŋ ziiatkerlık äleuettı nyǧaitu jönındegı tapsyrmalaryn ıske asyru, daryndy jastardy qoldau jäne bılım beru jüiesın damytu baǧytyndaǧy jüielı jūmystyŋ nätijesın körsettı.
Oqu-aǧartu ministrlıgı jeŋımpazdardy, olardyŋ tälımgerlerı men ata-analaryn tarihi jetıstıkpen qūttyqtaidy. Ūlttyq qūramanyŋ tarihi jeŋısı - barşa qazaqstandyqtar üşın zor maqtanyş ärı jas ūrpaqqa şabyt beretın jarqyn ülgı.
Baspasöz qyzmetı
