Qostanai qalasynda memlekettık subsidiialardy jymqyru jäne qylmystyq jolmen alynǧan kırısterdı zaŋdastyru faktısı boiynşa ükım şyǧaryldy.

Tergeudı Qostanai oblysy boiynşa Qarjylyq monitoring agenttıgınıŋ departamentı jürgızdı.

Eske sala keteiık, «Beef Export Group» JŞS basşysy Parhomenko jetekşılık etken qylmystyq top Auyl şaruaşylyǧy basqarmasynyŋ lauazymdy tūlǧalarynyŋ qatysuymen, sondai-aq audandyq deŋgeidegı auyl şaruaşylyǧy tauar öndıruşılerı men veterinariialyq mamandarmen kelısu arqyly subsidiialardy zaŋsyz alu shemasyn ūiymdastyrǧan.

Qasköiler ırı qara maldy satyp alu jäne ony qaita öŋdeu turaly qūjattardy jalǧan räsımdeu arqyly agroönerkäsıptık keşendı damytuǧa arnalǧan memlekettık baǧdarlama aiasynda jüielı türde subsidiia alyp otyrǧan.

Tüsken qarajattar jalǧan jetkızılgen mal üşın tölengendei körsetılıp, aqparattyq jüielerge engızılgennen keiın qolma-qol aqşaǧa ainaldyrylyp, keiın jalǧan önım üşın tölem retınde baqylaudaǧy ūiymdardyŋ şottaryna qaita audarylǧan.

Iske zaŋdy tür beru maqsatynda jalǧan buhgalterlık qūjattar räsımdelıp, olardyŋ negızınde subsidiia aluǧa qaita ötınımder berılıp otyrǧan.

Nätijesınde memleketke 3 mlrd teŋgeden astam zalal keltırıldı.

Tergeu barysynda küdıktıler 107 mln teŋgeden astam qarajatty erıktı türde ötedı.

Aita ketu kerek, mūndai qylmystar agrarlyq sektordy memlekettık qoldau jüiesıne degen senımdı älsıretıp, adal käsıpkerlerdıŋ auyl şaruaşylyǧyn damytu mümkındıkterın şekteidı.

Sot ükımımen ūiymdastyruşy Parhomenko A.G. 14 jylǧa bas bostandyǧynan aiyryldy.

Qylmystyq toptyŋ 14 qatysuşysyna 6 jyldan 10 jylǧa deiın bas bostandyǧynan aiyru jazasy taǧaiyndaldy.

Sonymen qatar, jalpy qūny 3 mlrd teŋge bolatyn mülık, onyŋ ışınde 1,3 mln AQŞ dollary jäne 700 mln teŋge tärkılendı.

Ükım zaŋdy küşıne engen joq.