Jarystar Qazaqstan Ūlttyq Olimpiadalyq komitetınıŋ qoldauymen öttı. Sonymen qatar elımızdıŋ är öŋırınen üzdık komandalar jinaldy.

Aqtyq syn - elımızdegı myŋdaǧan mektep pen milliondaǧan oquşyny qamtyǧan auqymdy respublikalyq jobanyŋ şaryqtau şegıne ainaldy.

Basketbol jarysynda Türkıstan oblysynan kelgen Dalabazar mektebınıŋ oquşylary jeŋıske jettı. Kümıs jüldenı Jambyl oblysyndaǧy №24 mektep-gimnaziiasy ielendı. Astana qalasyndaǧy №62 mektep-liseiınıŋ jas basketbolşylary üzdık üştıktı tüiındedı.

Marapattau räsımıne Qazaqstan ŪOK-nıŋ Bas hatşysy Älımjan Aqaev qatysty.

"Halyqaralyq Olimpiada künı qarsaŋynda Ūlttyq mektep ligasyn ötkızu - erekşe mänge ie. Būl jai ǧana sporttyq jarys emes, būl – ösıp kele jatqan ūrpaqtyŋ boiynda olimpiadalyq qozǧalystyŋ negızı bolyp sanalatyn qūndylyqtardy: üzdıksız damu, özara qūrmet pen ädıldıktı – qalyptastyru jolyndaǧy maŋyzdy qadam.

Bız mūndai bastamalar arqyly denı sau ärı belsendı qoǧamnyŋ berık ırgetasyn qalau mümkın ekenıne senımdımız", - dedı Älımjan Aqaev.

Aita keteiık, 2025 jyly Ūlttyq mektep ligasy 23 mausymda atap ötıletın Halyqaralyq Olimpiada künıne arnalǧan ıs-şaralar aiasynda ötıp jatyr. Būl jobanyŋ olimpiadalyq qūndylyqtardy qalyptastyrudaǧy maŋyzyn aiqyndai tüsedı.

Ūlttyq mektep ligasynyŋ baǧdarlamasyna ärtürlı sport türlerı engen: üstel tennisı, basketbol, voleibol, toǧyzqūmalaq, futzal, jeŋıl atletika, gandbol, asyq atu, şahmat jäne futbol.