30 mausym künı Bas prokuraturada maŋyzdy kezdesu öttı. Qazaqstan Respublikasynyŋ Bas Prokurory Berık Asylov jasandy intellekt salasyndaǧy älemge tanymal sarapşy, 01.AI kompaniiasynyŋ bas atqaruşy direktory, Qazaqstan Respublikasy Prezidentınıŋ keŋesşısı, doktor Kai-Fu Lidı qabyldady.

Kezdesu Qazaqstan Respublikasynyŋ Prezidentı Qasym-Jomart Toqaev jariialaǧan Sifrlandyru jäne jasandy intellekt jyly aiasynda öttı.

2026 jyly Qazaqstanda alǧaş ret Sifrlyq kodeks pen «Jasandy intellekt turaly» Zaŋ qabyldandy. Bolaşaqtyŋ sifrlyq qalasy – Alatau salynuda. Memleket basşysy eldı ärbır şeşım aşyq, ärbır äreket esep beruge mındettı, al ärbır azamat zaŋ men tehnologiialardyŋ küşımen qorǧalatyn memlekettık basqaru modelıne kezeŋ-kezeŋımen bastap keledı.

Memlekettık organdar el basşylyǧynyŋ baǧytyn jüielı türde jüzege asyruda. Būl baǧyttan prokuratura organdary da tys qalǧan joq.

Kezdesu barysynda Berık Asylov qadaǧalau organynda jinaqtalǧan auqymdy derekter qory sifrlyq esepke aludan jasandy intellekt pen Alem.Cloud superkompiuterınıŋ mümkındıkterın paidalana otyryp, ziiatkerlık taldau men täuekelderdı boljau deŋgeiıne köşuge mümkındık bergenın atap öttı.

Qonaqqa prokuratura organdaryndaǧy sifrlyq transformasiianyŋ auqymy jäne sifrlyq esepke aludan boljam jasauǧa, analitika men täuekelderdıŋ aldyn aluǧa köşuge mümkındık bergen negızgı jetıstıkter tanystyryldy.

«Bügınde qylmystyq ısterdıŋ 94%-y aryz tırkelgen sätten bastap ükımnıŋ oryndaluyna deiın elektrondyq formatta tergeledı. Būl – qaǧaz qylmystyq ıster däuırınıŋ aiaqtalǧanyn bıldıredı», – dedı qadaǧalau vedomstvosynyŋ basşysy.

Äkımşılık ıs jürgızu, biznestı qorǧau, azamattardyŋ ötınışterın qarau jäne özge de baǧyttar tolyq sifrlandyrylǧan.

Qazırgı taŋda 300-den astam memlekettık organnyŋ derekqorlarymen integrasiialanǧan 7 vedomstvoaralyq aqparattyq jüie tabysty jūmys ısteude.

«Qazaqtelekommen» bırlesıp elımız boiynşa alaiaqtardyŋ qoŋyraularyn būǧattaityn Antikoll-ortalyq qūryldy. Onyŋ bır jyldyq jūmysy barysynda 1 millionnan astam alaiaqtyq qoŋyrau toqtatyldy.

Prokurorlar «Sifrlyq qadaǧalau» jüiesı arqyly qoǧamdyq oryndardaǧy intellektualdy beinekameralarǧa qosylǧan. Jasandy intellekt negızındegı būl jüie qūqyq būzuşylardyŋ sifrlyq ızderın anyqtaidy.

Qūqyqtyq statistika jäne arnaiy esepke alu komitetınde qylmystyq qauıp-qaterlerdı boljau ortalyǧy qūrylyp, kriminogendık täuekelderdı anyqtau baǧytynda jūmys jürgızude.

Osy jäne basqa da qabyldanǧan şaralar qylmys deŋgeiınıŋ tömendeuıne oŋ äserın tigızude.

Doktor Kai-Fu Li Bas prokuraturanyŋ jasandy intellekttı engızu täjıribesıne joǧary baǧa berıp, memlekettık basqaru jüiesıne jasandy intellekttı bügınnen bastap engızıp jatqan memleketter ūzaq merzımdı tehnologiialyq artyqşylyqqa ie bolatynyn atap öttı.

Sonymen qatar ol Qazaqstannyŋ jasandy intellekttı damytudaǧy bolaşaq öŋırlık ortalyqtardyŋ bırıne ainalu äleuetı jönındegı közqarasymen bölısıp, zamanaui sifrlyq infraqūrylym qalyptastyru jäne ziiatkerlık tehnologiialardy damytu baǧytyndaǧy elımızdıŋ bäsekelestık artyqşylyqtaryn erekşe atap öttı.

Bas Prokuror Kai-Fu Lidıŋ AI 2.0, multiagenttık jüieler, basşylardyŋ jūmys tiımdılıgın arttyruǧa arnalǧan «Boss AI» tūjyrymdamasy jäne bılım beru salasyndaǧy tübegeilı özgerısterdıŋ qajettılıgı turaly ideialaryna joǧary baǧa berdı.

«Būl täsılder Memleket basşysynyŋ Qazaqstandy intellekt eksporttaityn elge ainaldyru jönındegı paiymymen tolyq ündesedı», – dep atap öttı Berık Asylov.

Kezdesu qorytyndysy boiynşa taraptar prokuratura organdarynyŋ qyzmetıne jäne memlekettık basqaru jüiesıne jasandy intellekt tehnologiialaryn engızu salasynda täjıribe almasudy jalǧastyrudyŋ ärı yntymaqtastyqty damytudyŋ maŋyzdylyǧyn atap öttı.

Bas prokuraturanyŋ baspasöz qyzmetı