Ükımet otyrysynda balalardyŋ jazǧy demalysyn ūiymdastyru mäselelerı qaralyp, Turizm jäne sport ministrı Erbol Myrzabosynov balalar-jasöspırımder turizmın damytuǧa baǧyttalǧan jobalardy tanystyrdy.
Jazǧy kezeŋde balalardyŋ qauıpsız ärı mazmūndy demalysyn ūiymdastyru, otbasylyq saiahattardy qoldau jäne ışkı turizmdı damytu negızgı baǧyttardyŋ bırı retınde aiqyndaldy.
Osy maqsatta elımızde balalar men ata-analarǧa arnalǧan sporttyq, mädeni jäne turistık ıs-şaralar ūiymdastyrylady. Solardyŋ bırı – «Burabai-2026» jartasqa örmeleu respublikalyq festivalı.
2026 jylǧa arnalǧan oqiǧalar küntızbesı aiasynda jazda balalar men jastarǧa arnalǧan 20-dan astam ırı ıs-şara ötkızu josparlanǧan. Mausym aiynda Almaty oblysynda «NomadFest», Qaraǧandy oblysynda «Balkhash Tour Fest» jäne Ūlytau oblysynda «Kökmaisa» festivalderı ötedı.
Şılde aiynda Astanada «Asyl Mūra» mädeni-otbasylyq ıs-şarasy, Jetısu oblysynda «Alaköl tolqyny» jastar jobasy jäne Atyrau oblysynda ekologiialyq «Lotos festivalı» ūiymdastyrylady.
Tamyz aiynda halyqaralyq «Comic Con Astana» festivalı ötedı. Sonymen qatar Almaty oblysynda «Baiserke aspany» otbasylyq aviasiialyq festivalı jäne basqa da mädeni-sporttyq ıs-şaralar ūiymdastyrylady.
Balalar-jasöspırımder turizmın damytu aiasynda Kids Go Free baǧdarlamasy jalǧasady. Baǧdarlama balalardyŋ äue biletterın subsidiialauǧa baǧyttalǧan. Baǧdarlama ıske qosylǧaly berı 7 myŋnan astam bala tegın äue saparyna şyqqan. Biyl taǧy 2 myŋǧa juyq bala osy mümkındıktı paidalana alady.
Balalardyŋ kanikul kezındegı belsendı demalysyn qamtamasyz etu üşın Aqmola oblysyndaǧy «Parus», Şyǧys Qazaqstan oblysyndaǧy «Sarybel» jäne Abai oblysyndaǧy Alaköl demalys aimaqtarynda sauyqtyru-sporttyq lagerler ūiymdastyrylady.
Qabyldanyp jatqan şaralar balalardyŋ jazǧy demalysyn qauıpsız ärı mazmūndy ötkızuge, olardyŋ eldıŋ mädeni-turistık äleuetımen tanysuyna jäne otbasylyq demalysty damytuǧa mümkındık beredı.
@KZgovernment
