Memleket basşysy «Turistık salany jäne balalar sportyn qoldau mäselelerı boiynşa Qazaqstan Respublikasynyŋ keibır zaŋnamalyq aktılerıne özgerıster men tolyqtyrular engızu turaly» Qazaqstan Respublikasynyŋ Zaŋyna qol qoidy. Qūjat balalar men jasöspırımder sport mektepterın jan basyna şaqqandaǧy normativtık qarjylandyru jüiesın engızudı közdeidı.
Memleket basşysynyŋ tapsyrmasyn oryndau aiasynda Turizm jäne sport ministrlıgı balalar men jasöspırımder sportyn qarjylandyru jüiesın jaŋǧyrtuǧa baǧyttalǧan tiıstı zaŋ jobasyn äzırledı.
Jan basyna şaqqandaǧy qarjylandyru jüiesıne köşu balalar men jasöspırımder sportyn qamtamasyz etu deŋgeiın arttyruǧa mümkındık beredı. Atap aitqanda, balalar men jasöspırımder sport mektepterınde bır sportşyny qamtamasyz etuge jylyna orta eseppen 415 myŋ teŋge bölınedı. Qazırgı uaqytta smetalyq qarjylandyru kezınde būl körsetkış orta eseppen 233 myŋ teŋgenı qūraidy.
Aita ketu kerek, osy uaqytqa deiın Turizm jäne sport ministrlıgı smetalyq qarjylandyru jüiesın qoldanatyn jalǧyz memlekettık organ bolyp keldı. Osyǧan bailanysty salany basqaru tiımdılıgın arttyru maqsatynda jan basyna şaqqandaǧy qarjylandyru jüiesıne köşu josparlanyp otyr.
Jobany ıske asyru jergılıktı biudjetterden qosymşa qarajat böludı talap etedı. Atalǧan şyǧystar Respublikalyq biudjet komissiiasynyŋ şeşımımen qoldau tapty, qosymşa qarajat jergılıktı biudjetter esebınen bölınedı.
Elımızdegı barlyq balalar men jasöspırımder sport mektepterınde jan basyna şaqqandaǧy normativtık qarjylandyru jüiesın engızu 2026 jylǧa josparlanyp otyr.
