QR Premer-ministrınıŋ keŋesşısı Eraly Toǧjanovtyŋ, oblys äkımı Nūrlybek Nälıbaevtyŋ qatysuymen «Auyl amanaty» jobasynyŋ öŋırde jüzege asyrylu barysy talqylanǧan mäjılıs öttı.
Oǧan «AMANAT» partiiasy ökılderı, oblystyq basqarmalar men departament basşylary, qala, audan, auyldyq okrug äkımderı jäne biznes ökılderı qatysty.
Aimaq basşysy öŋırdegı auqymdy jūmystarǧa, bastamalar men aldaǧy mındetterge toqtaldy.
«Prezidentımız Qasym-Jomart Kemelūlynyŋ 2022 jyly qaraşa aiynda Qazaqstan Respublikasy Prezidentı lauazymyna kırıskennen keiın eŋ alǧaşqy qol qoiǧan Jarlyǧy «Auyldyq aumaqtardy damytudyŋ 2023-2027 jyldarǧa arnalǧan tūjyrymdamasy» boldy.
Auyldardy damytu – memlekettık saiasattyŋ maŋyzdy strategiialyq maqsattarynyŋ bırı. Bügınde öŋırımızdıŋ 447 myŋ tūrǧyny (oblys halqynyŋ sany 845 myŋ adam) nemese 53 paiyzy auylda tūrady.
Agrobiznes ökılderı biznestıŋ äleumettık jauapkerşılıgı aiasynda auyldardyŋ jaǧdaiyn jaqsartu üşın auqymdy jūmys atqaruda. Bügıngı jiynnyŋ basty maqsaty – «Auyl amanaty» jobasyn ıske asyrudaǧy negızgı mäselelerdı talqylau, ūsynys-pıkırlerdı bölısu»,– dedı N.Nälıbaev.
Mäjılıste Eraly Toǧjanov «Auyl amanaty» jobasynyŋ negızgı baǧyttaryna toqtalyp, osy joba şeŋberınde Qyzylorda oblysynda atqarylǧan jūmystarǧa oŋ baǧa berdı.
Oblystyq ekonomika jäne qarjy basqarmasynyŋ basşysy Säken Myrzabek, auyl şaruaşylyǧy jäne jer qatynastary basqarmasynyŋ basşysy Talǧat Düisebaev jäne biznes ökılderı baiandama jasady.
Aita keteiık, soŋǧy ekı jylda (2023, 2024 jj.) «Auyl amanaty» jobasy aiasynda 5 mlrd. 500 mln. teŋgege 782 joba ıske qosylyp, 1 110 jaŋa jūmys orny aşyldy. Biylǧa 5,5 mlrd. teŋge bölınıp, 443 joba josparlanǧan. Aldaǧy jylǧa 5,6 mlrd. teŋgege 305 joba közdelgen. Jalpy 2,2 mlrd. teŋgege 65 kooperativ qarjylandyrylmaq. Bügıngı künge 23 kooperativtık jobalar puly jasalyp pysyqtaluda.
Qyzylorda oblysy äkımınıŋ baspasöz qyzmetı
