Erıgen qar suyn aǧyzu boiynşa Keşendı ıs-şaralar jospary bekıtıldı. Būl mäseleler äkımdıkte ötken keŋeste talqylanyp, oǧan TJD, «Qazsuşar» RMK, «Qazgidromet» RMK jäne özge de vedomstvolyq qūrylymdar qatysty.

Qalanyŋ kommunaldyq qyzmetterı 38 şaqyrym aryq-naua jelısın jäne 16 şaqyrym nöserlı kärız jüiesın tazartty. Sonymen qatar 3,3 myŋǧa juyq baqylau jäne jaŋbyr suyn qabyldaityn qūdyqtar tazalanyp, 530 metr qūbyr bulandyrylyp tazartyldy, 884 tonna lai şyǧaryldy. Biyl qys mezgılınde 4,6 mln tekşe metrden astam qar qala syrtyna şyǧaryldy.

Su tasqynynyŋ aldyn alu jäne saldaryn joiu üşın inerttı materialdar qory daiyndaldy. Azamattyq qorǧau organdary men kommunaldyq qyzmetter tūraqty daiyndyq rejimıne köşırılgen.

«Astana su arnasy» jelısı boiynşa 170 metr qysymdy jelı tartylyp, diametrı 400-1600 mm bolatyn magistraldyq jelıler tazartyluda. Kärız-tazartu stansiiasynda (KTS) saǧatyna 5-7 myŋ tekşe metr su aidaityn 4 sorǧy ornatylǧan. İndustriialyq park audanynda Aqbūlaq özenı boiynyŋ jaǧalauyn bekıtu, özen arnasyn keŋeitu jūmysy jürgızılude.

Astana äkımı Jeŋıs Qasymbek äleumettık nysandar, jekemenşık sektor jäne eldı mekender aumaǧynan qardy uaqytyly şyǧaru, sondai-aq bögetter men gidrotehnikalyq qūrylystardyŋ jaǧdaiyn tūraqty baqylauda ūstau qajettıgın atap öttı.

Su tasqyny kezeŋıne daiyndyq josparly türde jürgızılıp jatyr. Barlyq jūmys täulık boiy atqarylyp, tūraqty baqylauda.