Astanada Qūrban ait merekesı qarsaŋynda sanitarlyq-epidemiologiialyq jäne veterinarlyq qauıpsızdık şaralary küşeitıldı. Biyl Qūrban ait 27-29 mamyr aralyǧynda ötedı. Mereke kezeŋınde sanitarlyq normalardy saqtau, jūqpaly aurulardyŋ aldyn alu jäne qūrban şalu räsımın qauıpsız ötkızu mäselelerıne erekşe köŋıl bölınedı, dep habarlaidy elorda äkımdıgınıŋ resmi saity.

Qalalyq sanitarlyq-epidemiologiialyq baqylau departamentınıŋ mälımetınşe, mal soiu tek arnaiy belgılengen jäne jabdyqtalǧan oryndarda ǧana rūqsat etıledı. Tūrǧyn üilerdıŋ aulasynda, köşede, podezderde jäne basqa da qoǧamdyq oryndarda mal soiuǧa tyiym salynady.

Osy maqsatta elordada bes arnaiy alaŋ belgılengen:

Baiqoŋyr audany:

• «Şanhai» bazary – Alaş tasjoly, 34/6;

• «Barakat» bazary – A 369 köşesı, 10;

• «Jailau» bazary – Alaş tasjoly, S 313 köşesı;

• «Şäuşen» şarua qojalyǧy – Alaş tasjoly, 136B.

Almaty audany:

• «Et-Han» et sehy – Temırjolşylar eldı mekenı, Aqjar köşesı, 20.

Mal soiylǧan oryndarda qalǧan qaldyqtar belgılengen tärtıppen joiyluy qajet. Olardy tūrmystyq qaldyq konteinerlerıne tastauǧa bolmaidy.

Tūrǧyndar sanitarlyq talaptardy saqtauy, qoǧamdyq tärtıptı būzbauy jäne Qūrban ait kezınde qauıpsızdık erejelerıne jauapkerşılıkpen qarauy qajet.