Astanadaǧy «Jetısu» saiabaǧynda qalalyq «Otbasy time» otbasylyq festivalı aiasynda Jas Band ūjymynyŋ jandy muzyka men kaver änder keşı öttı.
Keş barysynda saiabaqta jandy aspaptyq muzyka äuelep, jastar toptary men kaver oryndauşylar öner körsettı.
Baǧdarlamanyŋ basty qonaǧy tanymal KOSMUSE toby boldy. Ūjym körermenderge äigılı änderdıŋ jandy dauystaǧy kaver-nūsqalaryn ūsyndy.
Mereke qonaqtary üşın körermendermen interaktivter, muzykalyq viktorinalar, syilyqtar ūtysqa tıgılgen oiyndar jäne şyǧarmaşylyq ūjymdardyŋ konserttık baǧdarlamasy ūiymdastyryldy.
«Otbasy time» – şyǧarmaşylyqty, muzykany jäne zamanaui sifrlyq trendterdı toǧystyrǧan qalalyq otbasylyq festival. Är demalys saiyn onyŋ baǧdarlamasy jaŋartylyp, elorda tūrǧyndaryna qyzyqty ärı belsendı demalystyŋ jaŋa mümkındıkterı ūsynylady.
«Tūrǧyndarǧa mūndai format ūnap jatqanyn baiqap otyrmyz. Bastapqyda jobany tek şılde aiynyŋ demalys künderıne josparlaǧan edık. Alaida qala tūrǧyndarynyŋ oŋ pıkırlerınen keiın ony jazdyŋ soŋyna deiın jalǧastyru turaly şeşım qabyldandy. Är apta saiyn keluşılerge qyzyqty boluy üşın taqyrypty özgertıp otyruǧa tyrysamyz», – dedı joba ūiymdastyruşysy, Astana qalasy Mädeniet basqarmasynyŋ ökılı Mūsa Äubäkırov.
Muzykalyq baǧdarlamadan bölek, festival aumaǧynda bırneşe taqyryptyq aimaq jūmys ıstedı. Cyber Zone alaŋynda kibersporttyq belsendılıkter men Counter-Strike 2 turnirı ūiymdastyryldy. Craft Games Zone aimaǧynda keluşıler üstel jäne şyǧarmaşylyq oiyndarǧa qatysty. Demaluǧa arnalǧan Chill Zone, sondai-aq erekşe suretke tüsuge mümkındık beretın Photo Zone bar.
Festivalde ekologiialyq baǧytqa da erekşe köŋıl bölındı. Eco Zone alaŋynda türlı interaktivtı ıs-şaralar men ekologiialyq bastamalar ūiymdastyrylyp, keluşılerge qorşaǧan ortaǧa ūqypty qaraudyŋ jäne qaldyqtardy bölek jinaudyŋ maŋyzy tüsındırıldı.
Oiyndar men ekologiialyq belsendılıkterge qatysqan qonaqtar arnaiy koindar alyp, olardy Prize Counter bölımınde syilyqtarǧa aiyrbastady.
Festivaldıŋ taǧy bır erekşelıgı – aşyq «Talanttar sahnasy» boldy. Ūiymdastyruşylarmen kelısım boiynşa kez kelgen adam sahnaǧa şyǧyp, än aityp, bi bilep, öleŋ oqyp nemese öz önerın körsete aldy.
Būl format saiabaqtyŋ tūraqty keluşılerınıŋ qyzyǧuşylyǧyn arttyryp otyr. Rauşan 12 jastaǧy qyzy Meruertpen bırge «Otbasy time» festivalıne alǧaş ret kelgen. Otbasy būl saiabaqqa jiı keletının aitady.
«Is-şara bızge öte ūnady. Mūnda bükıl otbasy bolyp türlı oiyndar men viktorinalarǧa qatysuǧa bolady, animatorlar balalardy qyzyqtyrady, konsert bastalǧanda erekşe atmosfera qalyptasady. Kelesı aptada taǧy jaŋa baǧdarlama bolatynyn kördık, mındettı türde taǧy kelemız. Menıŋ üş qyzym bar. Endı osynda otbasymyzben jiı keletın şyǧarmyz», – dedı Rauşan.
Qalalyq «Otbasy time» festivalı jazdyŋ soŋyna deiın jalǧasady.
