Memleket basşysy Qasym-Jomart Toqaevtyŋ agroönerkäsıp keşenın damytu jönındegı tapsyrmalaryn jüzege asyru şeŋberınde Qazaqstan Respublikasy Ükımetı QR Auyl şaruaşylyǧy ministrlıgı men «Aziia Altyn Dän» JŞS arasynda Aqmola oblysynda astyqty tereŋ öŋdeu zauytyn salu jobasy boiynşa investisiialar turaly kelısımge qol qoiudy maqūldady. Premer-ministr Oljas Bektenov tiıstı qaulyǧa qol qoidy.
Astyqty tereŋ öŋdeitın zamanaui joǧary tehnologiialyq zauyt Aqmola industriialyq aimaǧynda 500 gektar aumaqta salynyp jatyr. Ol agroönerkäsıp keşenınıŋ öŋdeu sektoryndaǧy eŋ ırı käsıporyndardyŋ bırıne ainalady, al jobanyŋ basty erekşelıgı – onyŋ auqymy men astyqty biotehnologiialyq ärı qaldyqsyz öŋdeuge baǧyttaluy.
Jalpy investisiia kölemı 300 mlrd teŋge, käsıporynnyŋ öndırıs quaty jylyna 6 mln tonnaǧa deiın jetedı.
Ekonomikalyq äserı keşendı bolady dep kütılude. Joba astyqty tolyq siklmen öŋdeudı jäne joǧary qosylǧan qūny bar önımder şyǧarudy közdeidı — ūn jäne jarma önımderınen bastap auyl şaruaşylyǧy januarlaryna arnalǧan daiyn jemge deiın. Ony ıske asyru eksport qūrylymyn ärtaraptandyruǧa, jergılıktı şikızatty paidalanu deŋgeiın arttyruǧa jäne eldıŋ importqa täueldılıgın aitarlyqtai tömendetuge mümkındık beredı.
Jobany ıske asyru öŋırdıŋ äleumettık-ekonomikalyq damuyna eleulı äser etedı. Käsıporynda şamamen 800 jaŋa jūmys orny aşylady. Kelısım aiasynda investor bılıktı tehnikalyq mamandar men bioinjeneriia salasyndaǧy kadrlardy daiarlau mındetın özıne alady — jylda 40 adamǧa deiın. Daiyndyq üzdıksız bılım beru jüiesın engızu arqyly, onyŋ ışınde şeteldık taǧylymdamalar men halyqaralyq almasu baǧdarlamalaryn qamti otyryp jüzege asyrylady.
Zauyt bazasynda zamanaui ǧylymi-zertteu jäne tehnologiialyq zerthana qūru josparlanyp otyr. Sonymen qatar investor industriialyq aimaqtyŋ syrtqy injenerlık-kommunikasiialyq infraqūrylymyn damytuǧa qosymşa qarajat böledı.
Käsıporyn paidalanuǧa berılgennen keiın aldaǧy uaqytta Astana – Qaraǧandy avtomagistralınde jolaiyryǧy bar ötkel, sondai-aq magistraldyq temırjol arqyly industriialyq aimaqqa aparatyn avtomobil jolyn salu közdelgen.
İnvestor audannyŋ äleumettık infraqūrylymyn damytuǧa da belsendı qatysudy josparlap otyr. Joba tolyq ıske qosylǧannan keiın jyl saiyn bılım beru, mädeniet, būqaralyq sport, jastar saiasaty jäne densaulyq saqtau salalaryndaǧy äleumettık bastamalardy qoldauǧa qarjy bölınedı.
Sonymen qatar käsıporyn ıske qosylǧannan keiıngı ekı jyl ışınde jüzu basseinı men jekpe-jek zaldary bar köpfunksionaldy sporttyq-sauyqtyru keşenı salynady. Būl keşen barlyq tūrǧyndarǧa qoljetımdı bolady.
Jalpy zauyttyŋ ıske qosyluy elımızdıŋ azyq-tülık jäne ekonomikalyq qauıpsızdık deŋgeiın arttyrady, eksport qūrylymyndaǧy öŋdelgen önım ülesın köbeitedı jäne Qazaqstannyŋ şikızat emes, joǧary tehnologiialyq agroönerkäsıptık önım jetkızuşı retındegı pozisiiasyn nyǧaitady.
