Premer-ministr Kostenko şahtasyndaǧy örttıŋ sebepterın tergeu jönındegı komissiianyŋ otyrysyn ötkızdı.

Ä. Smaiylov "ArselorMittal Temırtau" AQ-nyŋ Kostenko atyndaǧy şahtasynda bolǧan örttıŋ sebepterın tergeu jäne zardaptaryn joiu jönındegı ükımettık komissiianyŋ otyrysyn ötkızdı, dep habarlaidy, Ras.kz portaly primeminister.kz. resmi saityna sılteme jasai otyryp.

"Eŋ aldymen, qaza tapqan kenşılerdıŋ tuystary men jaqyndaryna qaiǧyryp köŋıl aitamyn. Marqūmdardyŋ otbasylaryna barlyq qajettı kömek körsetıletın bolady. Zardap şekkenderge tezırek sauyǧyp ketulerın tıleimız. Olarǧa tolyq kölemde medisinalyq kömek körsetılıp jatyr", — dedı Premer-ministr.

Otyrys barysynda şahtadaǧy qazırgı ahual, qūtqaru jūmystarynyŋ barysy jäne özge de qabyldanyp jatqan şaralar turaly tolyq aqparat berıldı. Premer-ministr käsıporyndaǧy önerkäsıptık qauıpsızdıktı qamtamasyz etu boiynşa jaǧdai sol şeşılmegen ötkır küiınde qalyp otyrǧanyn atap öttı.

Otyrys qorytyndysy boiynşa Ükımet basşysy Qaraǧandy oblysynyŋ äkımdıgıne TJM jäne basqa da memlekettık organdarmen bırlesıp, apatty joiu jönınde qajettı şaralar qabyldaudy tapsyrdy. Sonymen qatar premer-ministr apat sebepterın jan-jaqty tergeu jäne kınälılerdı anyqtau maŋyzdy ekenın atap öttı. Oǧan qosa Eŋbek jäne halyqty äleumettık qorǧau ministrlıgıne äkımdıkpen jäne "ArselorMittal Temırtau" AQ-men bırlesıp, zardap şekken jäne qaza tapqan kenşılerdıŋ otbasylaryna kömek körsetu, al Önerkäsıp jäne qūrylys ministrlıgıne käsıporyndy Qazaqstan Respublikasynyŋ paidasyna beru räsımderın aiaqtau jönınde şaralar qabyldau tapsyryldy.

Sonymen qatar memleket basşysynyŋ tapsyrmasy boiynşa komissiianyŋ şeşımımen Vadim Basin "ArselorMittal Temırtau" AQ bas direktorynyŋ mındetın atqaruşy bolyp taǧaiyndaldy. V. Basin 2022 jylǧy qazan aiynan bastap Qaraǧandy oblysy äkımınıŋ bırınşı orynbasary bolyp jūmys ısteidı. Eŋbek jolyn metallurgiia kombinatynda elektromonter bolyp bastaǧan.