Almatydaǧy Ortalyq memlekettık kino-fotoqūjattar men dybys jazbalary arhivınde käsıbi qazaq teatr önerınıŋ negızın qalauşylardyŋ bırı, körnektı akter Serälı Qojamqūlovtyŋ 130 jyldyq mereitoiyna arnalǧan ıs-şara öttı.

Jiynǧa ziialy qauym ökılderı, arhiv jäne teatr salasynyŋ mamandary, öner iesınıŋ tuystary, sondai-aq onyŋ ızbasarlary men ärıptesterı qatysty.

Is-şara barysynda akterdıŋ arhivtık fotosuretterı qoiylǧan körme köpşılıkke tanystyryldy.

Sondai-aq, jiynda 1972 jyly «Qazaqfilm» kinostudiiasy tüsırgen «Seraǧa» derektı filmı körsetıldı. Filmde akterdıŋ öz dauysymen aitqan estelıkterı, oi-tolǧamdary, 1929 jyly Qyzylordada alǧaşqy qazaq teatrynyŋ aşyluy jäne «Eŋlık-Kebek» spektaklındegı tūŋǧyş röl somdaǧan sätı qamtylǧan.

Aita keteiık, Ortalyq memlekettık kino-fotoqūjattar men dybys jazbalary arhivınıŋ qorynda Serälı Qojamqūlovtyŋ ömırı men şyǧarmaşylyǧyna qatysty 100-ge juyq kino, foto jäne audio qūjat saqtalǧan.

QR Mädeniet jäne aqparat ministrlıgınıŋ baspasöz qyzmetı