Almaty äkımdıgınıŋ qoldauymen Satbayev University bazasyndaǧy Eko-habta «Jihazyŋdy jasa» aksiiasy öttı. Qala tūrǧyndaryna plastik qaldyqtarynyŋ daiyn būiymdarǧa qalai ainalatyny körsetılıp, jobaǧa qatysu şarttary tüsındırıldı. Būl turaly «Eco Almaty» JŞS ökılderı habarlady.

Is-şaraǧa Almaty qalasy Ekologiia jäne qorşaǧan orta basqarmasynyŋ basşysy Serık Ädılbaev, URBIO zauytynyŋ ökılderı, sondai-aq ECO Network pen Eko-habtardyŋ negızın qalauşy Evgenii Muhamedjanov qatysty. Olar qaita öŋdeletın şikızatty öŋdeu baǧytyndaǧy bırlesken jūmystar turaly aityp berdı. Aksiia jeŋımpazdary täjıribesın bölısıp, syilyqtarǧa ie boldy.

Joba şartyna säikes, tūrǧyndar paidalanylǧan plastik jemıs jäşıkterın Eko-habtarǧa tapsyra alady. Jinalǧan şikızat ECO Network sifrlyq platformasynda esepke alynady. Qajettı kölem jinalǧannan keiın ony jihazǧa jäne basqa da būiymdarǧa aiyrbastauǧa bolady.

Almatyda mūndai öndırıs qazırdıŋ özınde jūmys ıstep tūr. Mäselen, oquşylar jinaǧan 120 myŋnan astam plastik qaqpaqtan «Oŋtüstık» saiabaǧyna arnalǧan 11 oryndyq jasaldy. Oǧan şamamen 250 kelı plastik jūmsalǧan.

2024 jyldan berı «Meiırımdı qaqpaqşa» jobasy aiasynda almatylyqtar millionnan astam qaqpaq jinaǧan. Olardan şahmat jiyntyqtary, salpynşaqtar, şyrşa oiynşyqtary jäne basqa da būiymdar jasalady.

Qalada ECO Network jelısınıŋ ekı Eko-haby jūmys ısteidı. Olar Markov köşesınde jäne Satbayev University bazasynda ornalasqan. Mūnda qaita öŋdeuge bolatyn türlı qaldyqtar qabyldanyp, ekologiialyq aksiialar ötkızıledı. Sondai-aq keluşılerge qaldyqtardy qaita paidalanu tehnologiiasy tanystyrylady.

Baspasöz qyzmetı