Sonymen qatar Almaty Superski ärtürlı azamattar tobynyŋ, onyŋ ışınde balaly otbasylardyŋ, qart adamdardyŋ jäne qozǧalysy şekteulı jandardyŋ tauǧa qoljetımdılıgın keŋeituı mümkın. Būl üşın aspaly joldar, qauıpsız marşruttar, vizit-ortalyqtar, qarau alaŋdary jäne bazalyq sanitarlyq infraqūrylym qajet. Aida Balaeva joba jabyq kurort emes, qoǧamdyq infraqūrylym retınde jūmys ısteuge tiıs dep atap öttı. Sondai-aq Medeu – Şymbūlaq – Kökjailau – Qūmbel siiaqty özara bailanysqan jüie turister aǧynyn tiımdı bölıp, Şymbūlaqqa tüsetın jüktemenı azaituǧa mümkındık beredı.

«Bızge tūrǧyndardyŋ, ekologtardyŋ, sarapşylardyŋ, azamattyq qoǧam ökılderınıŋ pıkırı maŋyzdy. Alaida talqylau faktılerge, ǧylymi saraptamaǧa jäne Almaty men bükıl eldıŋ ūzaq merzımdı müddelerın tüsınuge negızdeluı tiıs»,– dep atap öttı Premer-ministrdıŋ orynbasary – mädeniet jäne aqparat ministrı.

Almaty tau klasterın damytu tek zaŋ talaptaryn saqtau, aumaqtyŋ tabiǧatty qorǧau märtebesın saqtau, şeşımderdıŋ aşyqtyǧy jäne ekologiialyq talaptardy oryndau jaǧdaiynda ǧana mümkın. Almaty Superski jobasy naqty erejelerı bar, baqylauǧa alynatyn jäne qoǧamdyq müddeler eskerıletın retteletın infraqūrylym retınde jüzege asyryluy tiıs.

@KZgovernment