Almaty qalasy äkımınıŋ orynbasary Abzal Nükenov azamattardy kezektı ret jeke qabyldady. Kezdesu barysynda tūrǧyndar bılım beru, jastar saiasaty, tarihi jadyny saqtau jäne qoǧamdyq bastamalardy qoldau mäselelerın köterdı.

Atap aitqanda, balalarǧa arnalǧan körkem film tüsıruge qoldau körsetu jönındegı ūsynystar, Jeltoqsan oqiǧasynyŋ 40 jyldyǧyna arnalǧan ıs-şaralardy ūiymdastyru, sondai-aq qalanyŋ körnektı azamattarynyŋ esımın därıpteu mäselelerı qaraldy.

Ötınışterdıŋ bır bölıgı bılım beru salasyna qatysty boldy. Tūrǧyndar oqu prosesın ūiymdastyru, oquşylardyŋ qauıpsızdıgın qamtamasyz etu, jekelegen bılım beru ūiymdarynyŋ qyzmetı jäne qolaily bılım beru ortasyn qalyptastyru mäselelerın köterdı.

Sonymen qatar, ardagerler ūiymdaryn, onyŋ ışınde Chernobyl ardagerlerı bırlestıgın qoldau, äleumettık jäne jastar jobalaryn ıske asyru, sondai-aq zaŋnamalyq bastamalar mäselelerı talqylandy.

Ūsynylǧan bastamalardyŋ qatarynda oquşylarǧa patriottyq tärbie beruge baǧyttalǧan avtorlyq bılım beru kursynyŋ auqymyn keŋeitu mäselesı de bar. Nauryzbai audanynda pilottyq joba retınde jüzege asyrylǧan kursty qalanyŋ özge audandarynda da engızu ūsynyldy.

Ärbır ötınış boiynşa ūsynystar tyŋdalyp, beiındı basqarmalar men qūzyrly organdardyŋ qosymşa pysyqtauyn qajet etetın mäseleler aiqyndaldy.

Barlyq ötınışter jūmysqa qabyldandy. Jauapty memlekettık organdarǧa köterılgen mäselelerdı öz qūzyretı şegınde jan-jaqty zerdelep, ötınış ielerıne zaŋnamada belgılengen tärtıppen kerı bailanys beru tapsyryldy.

Baspasöz qyzmetı